اقتوبە وبلىسىنداعى كومپانيالاردىڭ ءبىرىنىڭ قىزمەتكەرلەرى «الەۋمەتتىك» ساناتقا جاتاتىن گازدى ۇرلاۋمەن شۇعىلدانعان, دەپ جازادى Egemen.kz.
ولار كەن ورنىنداعى ەسەپكە الىنباعان گازدى جيناقتاپ, كەيىن تەمىرجول ارقىلى تاسىمالداپ كەلگەن. وبلىستىق پوليتسيا باسقارماسى مەن ۇلتتىق قاۋىپسىزدىك كوميتەتىنىڭ ماماندارى بىرلەسىپ, ولاردىڭ قىلمىستىق سحەماسىن اشىپ, توسقاۋىل قويدى. ماماندار كەن ورنىنا اپارار جولدا ۇرلانعان گاز قۇيىلعان 12 ۆاگوندى تاپقان.
«وسى قىلمىستىق ىسكە قاتىستى ساراپتامالار تاعايىندالدى, ناتيجەسى بويىنشا كەلتىرىلگەن شىعىننىڭ سوماسى بەلگىلەنەدى. جەدەل-تەرگەۋ ءىس-شارالارى جالعاسىپ جاتىر», دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.