فۋتزالدان قازاقستان ۇلتتىق قۇراماسى 2026 جىلعى ەۋروپا چەمپيوناتىنا ىرىكتەۋ كەزەڭىندەگى توپتاعى ءتورتىنشى ويىندا دانيانى 7:3 ەسەبىمەن ۇتىپ شىقتى, دەپ حابارلايدى Egemen.kz.
ويىندا قازاقستان قۇراماسى جىلدام ەكى گول سوقتى. ءبىرىنشى مينۋتتا ازات ۆاليۋللين, ەكىنشى مينۋتتا دۋگلاس گول سوقتى. الايدا دات ويىنشىلارى ەسەپتى جىلدام تەڭەستىرىپ كەتە ءبىلدى. داۋرەن تۇرساعۇلوۆ اۆتوگول سوعىپ السا, ەرمين كاسۋموۆيچ ءبىر دوپتى ەنشىسىنە جازدى.
ارتىنشا اقجول ءدارىباي مەن دۋگلاس قازاقستاندى ەكى دوپ باسىمدىعىمەن العا شىعاردى. ءبىرىنشى تايم اياقتالعانعا دەيىن داتتار تاعى ءبىر دوپ ايىرماسىن قىسقارتا ءبىلدى.
ەكىنشى تايمدا قازاقستان قۇراماسى 3 گول سوقتى. الدىمەن ازات ۆاليۋللين (28-مينۋت), ودان كەيىن ءدامىر كارىباي (32-مينۋت) مەرگەندىگىمەن كوزگە ءتۇستى. 35-ءشى مينۋتتا داۋرەن تۇرساعۇلوۆ پەنالتيدى ءساتتى ورىنداپ, ەسەپتى 7:3 ەسەبىمەن اياقتادى.