شقو تۇرعىنى ليۋدميلا پلوتنيكوۆا ومىر بويى رەسمي قۇجاتسىز جۇرگەن. وسىعان دەيىن 1974 جىلعى ۇلگىدەگى كسرو پاسپورتىن پايدالانىپ كەلگەن, الايدا كەيىن ونى جوعالتىپ العان, دەپ حابارلايدى Egemen.kz.
ليۋدميلا پلوتنيكوۆا جىلدار بويى جاڭا قۇجاتتى قاجەت ەتپەگەن. بيىل قازاقستان رەسپۋبليكاسىنىڭ ازاماتتىق مارتەبەسىن قالپىنا كەلتىرۋ ءۇشىن التاي اۋدانىنىڭ كوشى-قون قىزمەتىنە جۇگىنگەن. كوشى-قون قىزمەتكەرلەرى وعان بارلىق جاعىنان قولداۋ كورسەتىپ, قاجەتتى قۇجاتتارىن جيناۋعا كومەكتەسىپ, مۇقيات تەكسەرۋ جۇرگىزىپ, ءتيىستى ورگاندارعا سۇراۋ سالعان.
2025 جىلدىڭ اقپان ايىندا ول بارلىق ءراسىم اياقتالعان سوڭ, العاش رەت جەكە باسىن كۋالاندىراتىن قۇجاتىن العان.
ازاماتشا ماماندارعا كومەك كورسەتكەنى ءۇشىن العىسىن ايتىپ, ەندى قازاقستان ازاماتى رەتىندە بارلىق قۇقىعىن پايدالانىپ, الەۋمەتتىك قىزمەتتەردى كەدەرگىسىز الا الاتىنىنا قۋانىشتى ەكەنىن جەتكىزگەن.