سوڭعى جىلدارى شىمكەنتتەگى «قيال الەمى» ويىن-ساۋىق ساياباعىندا ءورت شىعىپ, قايعىلى وقيعالار سالدارىنان ەكى ستۋدەنت پەن ءبىر ەرەسەك ادام قازا تاپتى. سوتتىڭ شەشىمەن اتالعان ساياباق بۇزىلاتىن بولدى, دەپ حابارلايدى Egemen.kz.
جوعارعى سوتتىڭ مالىمەتىنشە, 2011 جىلى جشس شىمكەنت قالاسىنىڭ ورتالىعىندا ورنالاسقان ساياباقتان 4 گەكتار جەر تەلىمىن جالعا العان. الايدا, جالعا الۋشى بالالار ورتالىعىن سالۋ مىندەتىن ورىنداۋدىڭ ورنىنا, وندا «قيال الەمى» ويىن-ساۋىق ساياباعىن ورنالاستىرعان.بۇل رەتتە اكىمدىك جشس-نىڭ جالداۋ شارتىنىڭ تالاپتارىن بۇزعانىن العا تارتىپ, ونى جارامسىز دەپ تانۋ تۋرالى تالاپ قويۋمەن سوتقا جۇگىنگەن.
«ماەس-ى جانە اپەللياتسيا جشس-نى جەر تەلىمىن كوممۋنالدىق مەنشىككە قايتارۋدى مىندەتتەدى. بۇل شەشىم زاڭدى كۇشىنە ەنگەننەن كەيىن اكىم ساياباقتاعى زاڭسىز سالىنعان قۇرىلىستاردى جشس ەسەبىنەن بۇزىپ, جەر تەلىمىن بۇرىنعى قالپىنا كەلتىرۋ تۋرالى تالاپ قويۋمەن سوتقا جۇگىنگەن. سوتتا جشس جەر تەلىمىنە ورنالاسقان اتتراكتسيونداردى, اتكەنشەكتەردى جانە باسقا دا قۇرىلىستاردى پايدالانۋعا قابىلداۋ اكتىلەرىن زاڭنامادا بەلگىلەنگەن تارتىپپەن رەسىمدەۋ تۋرالى دالەلدەمەلەردى ۇسىنباعان», دەلىنگەن حابارلامادا.
ناتيجەسىندە, سوت جوعارىدا اتالعان ءمان-جايلاردى, سونداي-اق جشس-نىڭ جەر تەلىمىن زاڭسىز پايدالانۋ فاكتىسىن ەسكەرە وتىرىپ, تالاپتى قاناعاتتاندىرعان. جشس-نى رۇقساتسىز يەلەنگەن 4 گا جەر تەلىمىن عيماراتتاردى بۇزۋ ارقىلى باستاپقى كۇيىنە قايتارىپ بوساتۋدى مىندەتتەدى.شەشىم زاڭدى كۇشىنە ەنگەن جوق.