كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ يتاليانىڭ قازاقستانداعى توتەنشە جانە وكىلەتتى ەلشىسى ستەفانو راۆانياندى ونىڭ ءوتىنىشى بويىنشا قابىلدادى, دەپ حابارلادى سەناتتىڭ ءباسپاسوز قىزمەتى.
جوعارى پالاتا باسشىسى قازاقستان پرەزيدەنتى ن.نازارباەۆ پەن يتاليا پرەمەر-ءمينيسترى م.رەنتسي اراسىنداعى 2014 جىلعى ماۋسىم جانە قازانداعى كەلىسسوزدەرى ىقپال ەتكەن قازاقستان مەن يتاليانىڭ قارقىندى دامۋىنا قاناعاتتانعاندىق ءبىلدىردى.
ق.توقاەۆ ەكى ەل اراسىنداعى پارلامەنتتىك الماسۋلاردىڭ ماڭىزدى ەكەنىن ايتتى جانە ەقىۇ پارلامەنتتىك اسسامبلەياسى اياسىندا دەلەگاتسيالار اراسىنداعى ءوزارا ءىس-قيمىلعا كوڭىلى تولاتىنىن جەتكىزدى.
سەنات توراعاسى س.راۆانياندى بيىلعى ماۋسىمدا بولاتىن جانە ءدىني كوشباسشىلار مەن ساياسي قايراتكەرلەردىڭ بەيبىتشىلىك, دامۋ جانە قاۋىپسىزدىك جولىنداعى ۇنقاتىسۋىنا ارنالاتىن الەمدىك جانە ءداستۇرلى دىندەر كوشباسشىلارىنىڭ بەسىنشى سەزىنە دايىندىق تۋرالى حاباردار ەتتى.
قازاقستان سەناتىنىڭ باسشىسى بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە ەلىمىزدىڭ كانديداتۋراسى قولداۋ تاباتىنىنا سەنىم ءبىلدىردى جانە استانادا وتەتىن ەكسپو-2017 حالىقارالىق كورمەسىنە يتاليالىق كومپانيالاردى قاتىسۋعا شاقىردى.