ءبىر تاۋلىك ىشىندە باتىس قازاقستان, سولتۇستىك قازاقستان جانە قاراعاندى وبلىستارىندا ءۇش ەسىرتكى زەرتحاناسى جويىلدى, دەپ حابارلايدى Egemen.kz.
Polisia.kz-ءتىڭ مالىمەتىنشە, ءىىم ەسىرتكى قىلمىسىنا قارسى ءىس-قيمىل ءبولىنىسىنىڭ قىزمەتكەرلەرى ءبىر تاۋلىك ىشىندە باتىس قازاقستان, سولتۇستىك قازاقستان جانە قاراعاندى وبلىستارىندا ءۇش ەسىرتكى زەرتحاناسىن جويدى.
«كۇدىكتىلەر, ياعني ەكى ەر ادام مەن ءبىر ايەل ۇستالدى. انىقتالعانداي, ولار التى اي بويى ەسىرتكى وسىرۋمەن اينالىسىپ, ارقايسىسى 50 كگ ماريحۋانا دايىنداعان. ولارعا قاتىستى سوتقا دەيىنگى تەرگەپ-تەكسەرۋ جۇرگىزىلىپ جاتىر. ۇستالعاندارعا 15 جىلعا دەيىن باس بوستاندىعىنان ايىرۋ جازاسى كوزدەلەدى. بۇل باعىتتاعى جۇمىس جالعاسىپ جاتىر», دەدى ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى دانيار مەيىرحان.