1 اقپاندا سينگاپۋردان گونكونگقا بەت العان CX690 رەيسىندە جولاۋشىلار اراسىندا جانجال شىققان, دەپ حابارلايدى Egemen.kz Daily Mail اگەنتتىگىنە سىلتەمە جاساپ.
جولاۋشىلاردىڭ ءبىرىنىڭ ورىندىقتى شالقايتىپ قويعانى جانجالعا سەبەپ بولعان.
كۋاگەرلەردىڭ ايتۋىنشا, ەر ادام ورىندىعىن تولىعىمەن شالقايتىپ قويعان, بۇل ونىڭ ارتىندا وتىرعان ايەلدىڭ نارازىلىعىن تۋدىرعان. جولاۋشىلار ءبىر-بىرىنە بالاعات سوزدەر ايتا باستادى. ۆيدەودا ەر ادامنىڭ ەموتسيونالدى تۇردە ايەلگە ايعايلاعانى كورىنەدى.
«مەن ورنىمدى ىڭعايىما قاراي رەتتەي الامىن. بۇعان ەرەجە بويىنشا رۇقسات ەتىلگەن!» دەدى ول.
جانجال كەزىندە ەر ادام ايەلدى بۇعان دەيىن بالاسىنا داۋىس كوتەردى دەپ تە ايىپتادى.
«سەن مەنىڭ بالاما ۇرىسقاندا, مەن ۇندەمەدىم. بىراق مەن ورىندىعىمدى شالقايتسام, بۇل دەمەك ءسىزدىڭ پروبلەماڭىز», دەپ كىجىندى ەر ادام.
كۋاگەرلەردىڭ ايتۋىنشا, ەكيپاج بۇل وقيعاعا ارالاسپاۋدى ءجون كورگەن. ەر ادامنىڭ ەكى جاسار قىزىنىڭ دالىزدە جۇگىرىپ ءجۇرۋى باسقا جولاۋشىلاردىڭ دا نارازىلىعىن تۋدىردى. كۋاگەرلەردىڭ ايتۋىنشا, بۇل جاعدايدى شيەلەنىستىرە تۇسكەن.
ەموتسيالىق جانجالدان كەيىن ەر ادام قۇلاققاپتى تاعىپ, ورنىنا قايتا ورالماق بولعان. الايدا ونىڭ جۇبايى ايەلمەن داۋدى جالعاستىرا بەرگەن.