بەلارۋس مينيسترلەر كابينەتى قايتا سايلانعان پرەزيدەنتتىڭ الدىندا وتستاۆكاعا كەتتى, دەپ حابارلايدى Egemen.kz بەلارۋس رەسپۋبليكاسى پرەزيدەنتىنىڭ رەسمي سايتىنا سىلتەمە جاساپ.
ءتيىستى قاۋلىعا رومان گولوۆچەنكو قول قويدى.
رەسپۋبليكا پرەزيدەنتىنىڭ ءباسپاسوز قىزمەتى الەكساندر لۋكاشەنكونىڭ پرەمەر-مينيسترگە, ونىڭ ورىنباسارلارىنا, مينيسترلەرگە, مەملەكەتتىك كوميتەتتەردىڭ توراعالارىنا جانە مينيسترلەر كەڭەسى اپپاراتىنىڭ مەڭگەرۋشىلەرىنە جاڭا قۇرىلىم قۇرىلعانعا دەيىن ءوز مىندەتتەرىن ورىنداۋدى جالعاستىرۋدى تاپسىرعانىن حابارلادى.
ايتا كەتەيىك, بەلارۋستەگى سايلاۋدا سايلاۋشىلاردىڭ 86,82 پايىزى الەكساندر لۋكاشەنكوعا داۋىس بەرگەن ەدى.
ەسكە سالايىق, الەكساندر لۋكاشەنكو بەلارۋس رەسپۋبليكاسىنىڭ پرەزيدەنتى لاۋازىمىنا 1994 جىلدان باستاپ جەتىنشى رەت سايلانىپ وتىر.