ورال. 5 اقپان. جايىق اۋىلىنىڭ تۇرعىنى جوعالعان سيىرىن ون ايدان كەيىن تاپتى. بۇل تۋرالى egemen.kz ءتىلشىسى حابارلادى.
وتكەن جىلدىڭ ءساۋىر ايىندا مارزيا ەرجانوۆانىڭ سيىرى جايىلىستان كەلمەي قالدى. وتاناسىنىڭ ىزدەمەگەن جەرى قالمادى. اۋلادا قالعان ەكى ايلاق بۇزاۋىنىڭ موڭىرەگەن داۋسىن ەستىگەن سايىن بايەك تاپپاي كەتەتىن. كۇندەر وتە بەردى. جاقىن ماڭداعى اۋىلدار مەن قىستاقتاردان ىزدەۋ سالعانىمەن ەشقانداي ناتيجە شىقپادى. ءسويتىپ ول جوعالىپ كەتكەن مالىنان كۇدەرىن ابدەن ۇزگەن بولاتىن.
ايتسە دە ون ايدان سوڭ ويلاماعان جەردەن قىرىق كيللومەتر جەردەگى سامال اۋىلىنان ءسۇيىنشى حابار جەتتى. مالدىڭ مالعا قوسىلىپ جۇرە بەرەتىنى بەلگىلى ءجايت قوي. سول اۋىلدىڭ تۇرعىنى مۇحيت ساعىنگەرەەۆتىڭ سۋ ارناسى باعىتىنداعى جايىلىستاعى مالىنا دا بوتەن سيىرلاردىڭ ارالاسىپ كەتىپ جۇرگەنى بەلگىلى بولدى. ءبىرسىپىرا ۋاقىت وتكەن سوڭ سولاردى يەلەرى ايداپ اكەتىپ جاتادى. ءوزىنىڭ جەكە مالىنىڭ اراسىندا ءبىر بوتەن سيىردىڭ ۇزاق جۇرگەنىن بايقاپ, ەشكىمنەن ىزدەگەن حابار كەلمەگەن سوڭ ول ونىڭ ءتۇر ءتۇسىن جانە قۇلاعىنداعى سىرعاسىنىڭ ءنومىرىن اۋىل اكىمىدىگىنە حابارلايدى.
سول-اق ەكەن ون اي قىدىرىمپازدىققا سالىنعان سيىردىڭ يەسى بەلگىلى بولادى. ءۇي شارۋاسىنداعى ايەل ويدا جوقتا ءسۇيىنشى حابار جەتكەندە وعان سەنەر سەنبەسىن بىلمەي داعدارىپ قالىپ ەدى. ول مۇحيت ساعىنگەرەي ۇلى مەن ونىڭ زايىبى روزا امانبايقىزىنا شەكسىز العىسىن بىلدىرەدى. وسى جەردە ساعىنگەرەەۆتەردىڭ ادالدىعىنا سۇيسىنۋمەن بىرگە, ت ۇلىكتى سىرعالاۋدىڭ جانە مۇنى اۋىل شارۋاشىلىعى مالدارىنىڭ ەلەكتروندى بازاسىنا ەنگىزىلۋىنىڭ دە پايداسى بولعانىن ايتا كەتۋ كەرەك. ءسويتىپ مارزيا ەرجانوۆانىڭ قۋاىنىشى قۋانىشۇا ۇلاستى. ون اي ساياحاتتاپ قايتكانىنىڭ ەسەسىنە اق-ادال مالى ءبىر اپتادان سوڭ بۇزاۋلادى.
تەمىر قۇسايىن.
دەرەك: egemen.kz.
سۋرەت: livejournal.com.