وسى تۇرعىدا ءماجىلىس دەپۋتاتى تاڭساۋلە سەرىكوۆ ءوزىنىڭ دەپۋتاتتىق ساۋالىن ۇكىمەت باسشىسىنا جولدادى, دەپ جازادى Egemen.kz.
دەپۋتاتتىڭ ايتۋىنشا قوعامدىق كولىك جولاقىسىندا كەيبىر وڭىرلەردە جەڭىلدىك مۇلدەم قاراستىرىلماعان. ءىى–ىىى توپ مۇگەدەكتەرىنە جەڭىلدىك جاسالسا دەگەن ۇسىنىستى ەسكەرگەن ءبىر ادام جوق.
«وزبەكستاندا جالعىزباستى قارتتارعا جانە بوگدە ادامداردىڭ كومەگىنە مۇقتاج مۇگەدەكتىگى بار ادامدارعا قالالىق قوعامدىق كولىكتە تەگىن جول ءجۇرۋ قۇقىعى بەرىلەدى. ال قىرعىزستاندا I, II, III توپتاعى مۇگەدەكتىگى بار ادامدار قوعامدىق كولىكتە تەگىن جول جۇرۋگە قۇقىلى», دەگەن دەپۋتات تاعى بىرنەشە وسىنداي مىسالدار كەلتىرىپ, ال, قازاقستاندا باسقاشا ەكەنىن ايتتى.
«الماتى مەن پاۆلوداردا ەكىنشى توپتاعى مۇگەدەكتەر ءۇشىن تەگىن جول ءجۇرۋ جانە 18 جاسقا دەيىنگى مۇگەدەكتىگى بار بالالاردى الىپ جۇرەتىن ادامدار ءۇشىن 50 پايىزدىق جەڭىلدىك قاراستىرىلعان. قاراعاندىدا ءبىرىنشى توپتاعى مۇگەدەكتەر ءۇشىن عانا تەگىن جول ءجۇرۋ مۇمكىندىگى بار. ءار وڭىردە ءار ءتۇرلى, ءبىر جۇيەلىلىك جوق. ءبىر قالادان ەكىنشى قالاعا تەگىن قاتىناۋ نە مۇگەدەككە, نە ونىڭ كومەكشىسىنە دە جوق», دەدى تاڭساۋلە عابدىماناپ ۇلى.
وسى جانە باسقا دا ماسەلەلەر مۇمكىندىگى شەكتەۋلى جاندار تۋرالى زاڭنامالارعا وزگەرتۋ ەنگىزۋ قاجەتتىلىگىن تۋىنداتىپ وتىرعانىن تىلگە تيەك ەتكەن دەپۋتات وسى ورايدا بىرنەشە ۇسىنىستارىن ايتتى:
«1. ەلىمىز بويىنشا بىردەي 2-3 توپتاعى مۇگەدەكتەر ءۇشىن دە قوعامدىق كولىكتە ارنايى جەڭىلدىكتەر قاراستىرۋ. كەيبىر قالالاردا پايدالانىلاتىن جەڭىلدىكتى ەلەكتروندىق جول ءجۇرۋ كارتالارى بويىنشا قولدا بار دەرەكتەردى بىرىكتىرۋ ارقىلى قازاقستان بويىنشا بىرىڭعاي كولىك كارتاسىن ەنگىزۋ.
2.مۇگەدەكتىگى بار جاندارعا ارنايى بەيىمدەلگەن اۆتوكولىكتەرىن شىعارۋ جانە مەملەكەتتىڭ قولداۋىمەن ارنايى باعدارلامامەن جەڭىلدەتىلگەن اۆتونەسيە بەرۋ جولدارىن قاراستىرۋ.
3.بارلىق ساناتتاعى مۇگەدەكتىگى بار بالالارعا ينۆاتاكسي قىزمەتىنىڭ قولجەتىمدىلىگىن قامتاماسىز ەتۋ», دەپ اياقتادى ساۋالىن تاڭساۋلە سەرىكوۆ.