الماتى قالاسىندا 150-دەن استام ەلدىڭ وكىلدەرى باس قوسقان 5-ءشى «ەو-ورتالىق ازيا ازاماتتىق قوعام فورۋمى» ءوتىپ جاتىر, دەپ حابارلايدى Egemen.kz.
جيىن بارىسىندا اۋسترياداعى يۋنوپس ەلارالىق كەڭسەسىنىڭ ديرەكتورىنىڭ مىندەتىن اتقارۋشى گيۋرەل گۋركان تۇراقتى وزگەرىستەردى ىنتالاندىرۋداعى ازاماتتىق قوعامنىڭ شەشۋشى ءرولىن اتاپ ءوتتى.
«يۋنوپس-تا ءبىز دامۋ جولىنداعى كۇردەلى ماسەلەلەردى شەشۋدە ىنتىماقتاستىق پەن يننوۆاتسيالاردىڭ كۇشىنە سەنەمىز. ازاماتتىق قوعام جەرگىلىكتى دەڭگەيدە وڭ وزگەرىستەردى قامتاماسىز ەتە وتىرىپ, وسى جۇمىستىڭ العى شەبىندە تۇر. ءبىز سەرىكتەستىكتەرىمىز ارقىلى ورتالىق ازياداعى ينكليۋزيۆتى دامۋعا جاردەمدەسەمىز», دەدى ول.
سونداي-اق گيۋرەل گۋركان فورۋمنىڭ ماقساتى ازاماتتىق قوعامنىڭ مۇمكىندىكتەرىن ارتتىرۋعا باعىتتالعانىن جەتكىزدى.
«بۇل فورۋم ءبىلىم الماسۋعا, سەرىكتەستىك قارىم-قاتىناس ورناتۋعا جانە وسى ايماقتىڭ ەلدەرى ءۇشىن ەڭ ماڭىزدى ماسەلەلەر بويىنشا وڭ ۇدەرىستەردى جەدەلدەتۋگە بىرەگەي مۇمكىندىك بەرەدى», دەدى گيۋرەل گۋركان.