الماتىدا 150-دەن استام وكىلدەرىنىڭ باسىن قوسقان 5-ءشى ەو-ورتالىق ازيا ازاماتتىق قوعام فورۋمى ءوتىپ جاتىر, دەپ حابارلايدى Egemen.kz.
ەۋروپالىق وداقتىڭ قازاقستانداعى ەلشىسى الەشكا سيمكيچ دەموكراتيالىق باسقارۋ مەن ورنىقتى دامۋدى ىلگەرىلەتۋدەگى ازاماتتىق قوعامنىڭ ماڭىزدىلىعىن اتاپ ءوتتى.
«ەو ورتالىق ازيامەن قارىم-قاتىناسىن نىعايتۋعا, سونداي-اق وڭىرلىك تۇراقتىلىقتى, الەۋمەتتىك ينكليۋزيۆتىلىكتى جانە ورنىقتى دامۋدى قامتاماسىز ەتۋگە ءوز ۇلەسىن قوساتىن ازاماتتىق قوعامنىڭ باعا جەتپەس جۇمىسىن قولداۋعا مىندەتتەنەدى. ىنتىماقتاسا وتىرىپ, ءبىز جاستار مەن ايەلدەردىڭ ءوز بولاشاعىن قالىپتاستىرۋدا بەلسەندى ءرول اتقارۋىنا مۇمكىندىك بەرە وتىرىپ, تسيفرلىق ترانسفورماتسيادان كليماتتىڭ وزگەرۋىنە دەيىنگى زامانىمىزدىڭ ەڭ وزەكتى ماسەلەلەرىن شەشە الامىز».
ايتا كەتەيىك, فورۋم مۇددەلى تاراپتار ءۇشىن تاجىريبەمەن ءبولىسۋ, وڭىرلىك سىن-قاتەرلەردى تالقىلاۋ جانە پراكتيكالىق شەشىمدەردى انىقتايتىن الاڭ رەتىندە جوسپارلانعان.