گرەكيانىڭ كارديتسا قالاسىندا شارۋالار باس كوتەردى, دەپ حابارلايدى Egemen.kz.
ولار جۇزدەگەن تراكتورمەن ەلدىڭ سولتۇستىگى مەن وڭتۇستىگىن بايلانىستىراتىن كۇرەجولدى جاۋىپ تاستاعان. پارلامەنت عيماراتىنىڭ الدىنا 200-گە جۋىق تراكتوردى ءتىزىپ قويعان.
كەيىنگى جىلدارى گرەك شارۋالارى اپتاپ ىستىق, سۋ تاسقىنى جانە ءورت سياقتى تابيعي اپاتتاردان قاتتى زارداپ شەگىپ, ۇلكەن شىعىنعا باتتى. ۇكىمەت توتەنشە جاعدايعا تاپ بولعان كاسىپكەرلەرگە ءتيىستى كولەمدە كومەك كورسەتە الماي وتىر. ونىمگە باعا تومەندەگەن, ءوندىرىس شىعىنى ۇلعايعان جانە يمپورتتىق تاۋارلارمەن باسەكەلەستىك كۇشەيگەن. شارۋالار وسى قيىندىقتارمەن كۇرەستە ۇكىمەت كومەكتەسپەي وتىر دەيدى.
ايتا كەتەيىك, بىلتىر اقپاندا گرەك بەلسەندىلەرى تراكتورلارىن ەل استاناسى افيناعا دەيىن اپارىپ, پارلامەنت الدىندا شەرۋ وتكىزگەن بولاتىن. بىراق ماسەلە ءالى شەشىمىن تاپپاي كەلەدى.