اقتاۋ. 5 اقپان. اقتاۋ قالاسىندا جەرگىلىكتى مازمۇندى ارتتىرۋ ماسەلەلەرى بويىنشا وڭىرلىك فورۋم ءوتىپ, وندا بىرقاتار مەموراندۋمدارعا قول قويىلدى. بۇل تۋرالى egemen.kz ءتىلشىسى حابارلادى.
فورۋمعا ماڭعىستاۋ وبلىسىنىڭ اكىمى ا.ايدارباەۆ, ينۆەستيتسيالار جانە دامۋ ءمينيسترى ءا.يسەكەشەۆ, ەنەرگەتيكا ءمينيسترى ۆ.شكولنيك, پارلامەنتى ءماجىلىسىنىڭ دەپۋتاتى م.پشەمباەۆ, ورتالىق مەملەكەتتىك ورگانداردىڭ وكىلدەرى, «قازمۇنايگاز» ۇك» اق, «قازاقاۆتوجول» رمك, «قازاۆتوجول» ۇك» اق, «قازاقتەلەكوم» اق, «قازاقستان تەمىر جولى» ۇك» اق, «KEGOC» اق, «PSA» جشس وكىلەتتى ورگانى, سولتۇستىك-كاسپي جوباسىنىڭ وپەراتورلارى – «NCOC» كومپانيالارى, «قازاقمىس» كورپوراتسياسى» جشس, جەرگىلىكتى كاسىپورىندار – تاۋار وندىرۋشىلەر, مۇناي سەكتورىنداعى قىزمەت كورسەتۋشىلەر مەن كاسىپورىندار قاتىستى.
ونەركاسىپتىك كاسىپورىنداردىڭ دەمەۋشىلىك كورسەتۋ ماسەلەلەرىن تالقىلاۋ وڭىردەگى الەۋمەتتىك-ەكونوميكالىق ءوسىمدى قامتاماسىز ەتۋ, سونىمەن قاتار وتاندىق ونىمدەردىڭ دامۋىنا قولعابىس ەتۋ بويىنشا ناقتى شارالار قابىلداۋ جانە جۇمىس ورىندارىن ساقتاپ قالۋ ماقساتىندا ۇيىمداستىرىلعان
فورۋم اياسىندا «وبلىس اكىمشىلىگى, جۇمىس بەرۋشىلەر جانە جۇمىسشىلاردىڭ ەڭبەك شارتى مەن ەڭبەك قۇقىقتارىن قامتاماسىز ەتەتىن وبلىستىق كاسىپوداق كەڭەسشىلەرى اراسىنداعى ءوزارا ىنتىماقتاستىق تۋرالى», «وبلىس اكىمشىلىگى مەن ۇلتتىق كومپانيالار اراسىنداعى جەرگىلىكتى مازمۇندى ارتتىرۋ ماسەلەلەرى جونىندەگى ىنتىماقتاستىق تۋرالى», «جۇيەلى كاسىپورىندار مەن وتاندىق ءونىم وندىرۋشىلەر اراسىنداعى جەرگىلىكتى مازمۇندى ارتتىرۋ باعىتىنداعى ءوزارا ىنتىماقتاستىق تۋرالى» مەموراندۋمدارعا قول قويىلدى.
مەموراندۋم شەڭبەرىندە كاسىپوداقتىڭ تاپسىرماسى, وندىرىستىك پروتسەسستى تۇراقتاندىرۋ ءۇشىن كاسىپورىن اكىمشىلىگى مەن مەملەكەتتىك ورگاندار جۇرگىزەتىن شارالار تۋرالى كاسىپورىندار ۇجىمىنا ءتۇسىندىرۋ جۇمىستارىن وتكىزۋ, جۇمىسشىلاردىڭ ىشكى ەڭبەك ءتارتىبىن ساقتاۋ جانە الەۋمەتتىك-ەڭبەك داۋلارىن ەسكەرتۋ بويىنشا شارالار قولدانۋعا كومەكتەسۋ ماسەلەلەرى قامتىلعان.
ماڭعىستاۋ وبلىسى اكىمىنىڭ ءباسپاسوز قىزمەتىنىڭ حابارلاۋىنشا, جەرگىلىكتى مازمۇن ۇلەسىنىڭ جوعارىلاۋى, ۇلتتىق ونەركاسىپتەرگە قولداۋ كورسەتۋ جانە جۇمىس ورىندارىن ساقتاپ قالۋ سياقتى بەلسەندىلىك جۇمىستارى بارلىق فورۋمعا قاتىسۋشىلارمەن جالعاسادى.
گۇلايىم شىنتەمىرقىزى.
دەرەك: egemen.kz.
سۋرەت: سەرىك مايەمەروۆ.