قازاقستان توراعالىق ەتەدى

قور پرەزيدەنتى اقتوتى رايىم­قۇلوۆا قوناقتاردى قارسى الىپ, وتكەن جىلى قور جۇزەگە اسىر­عان جۇ­مىستار تۋرالى مالى­مەت بەردى. ول قور تاراپىنان 74-تەن اسا جوبا مەن ءىس-شارا ۇيىم­داستىرىلعانىن ايتتى.

– پاريجدەگى يۋنەسكو شتاب-پاتەرىندە تۇركى الەمىنىڭ كورنەكتى عالىمى ماحمۇد قاشقاريدىڭ XI عاسىردا جازىلعان «ديۋاني لۇ­عات ءات-تۇرك» اتتى العاشقى تۇر­كى تىلدەرى ەنتسيكلوپەديالىق سوزدى­گىنىڭ 950 جىلدىعىنا ارنالعان حالىقارالىق عىلىمي كونفەرەنتسيا مەن كورمە ءوتتى. «تۇركى الەمىنىڭ تانىمال تۇلعالارى», «تۇركى ادە­بيە­تىنىڭ جاۋھارلارى», «تۇركى الە­مىنىڭ عىلىمي قازىنا­لارى» اتتى كىتاپ سەريالارى جارىق كوردى. باكۋ­دە «تۇركى الەمىنىڭ تاريحي جانە مادەني مۇراسىن يۋنەسكو تۇر­عى­سىنان زەرتتەۋ جانە قورعاۋ» تاقى­رىبىندا حالىقارالىق كونفەرەن­تسيا وتكىزىلدى, – دەدى قور باسشىسى.

سونداي-اق ا.رايىمقۇلو­ۆا­نىڭ ايتۋىنشا, استانادا وتكەن سامميت اياسىندا الماعۇل وس­مو­نوۆتىڭ بىشكەكتەگى ءۇي-مۋ­زەيىن قالپىنا كەلتىرۋ جانە قايتا جوندەۋ جۇ­مىس­تارى اياق­تال­عان. «تۇركى الەمى 2040-قا كوزقاراس» قۇجاتى مەن TURKTIME باستاماسىنا سايكەس تۇركى مادەني مۇراسىنىڭ كاتالوگى دايىندالعان. بەسىنشى دۇنيەجۇزىلىك كوشپەلىلەر ويىن­دارى قولداۋ تاۋىپ, ىستان­بۇلدا تۇركى مادەني مۇراسىن باسقارۋ سالاسىندا ماماندار اراسىندا تاجىريبە جانە ءبىلىم الماسۋ باعدارلاماسى ۇيىمداستىرىلعان.

جيىندا ساراپشىلار تۇركى حا­لىقتارىنىڭ مادەني مۇرا­سىن ساق­تاۋ جانە قورعاۋ باعى­تىندا ىنتى­ماقتاس­تىقتى كەڭەي­تۋ ماسەلە­لەرىن تالقىلادى. ال مەم­لەكەتتىك ورگانداردىڭ وكىلدەرى مەن قور قىز­مەتكەرلەرى ۇيىم­نىڭ نورماتيۆتىك قۇجاتتارىنا وزگەرىس­تەر ەنگىزۋ جايىن قاراستى­رىپ, 2025–2026 جىل­دارعا ارنال­عان قوردىڭ جۇمىس جوسپارىنا ەنگىزىلگەن تۇركى الە­مىنىڭ باي مۇراسىن ناسيحات­تاۋ, ساقتاۋ جانە قالپىنا كەلتىرۋگە باعىتتالعان جوبالاردى پىسىقتادى.

ايتا كەتەيىك, بيىل قور كەڭە­سىنە قازاقستان توراعالىق ەتەدى. قوردىڭ نەگىزىن قالاۋشى ەلدەردىڭ مادەنيەت مينيسترلەرى ەكىنشى كەڭەسىنىڭ وتىرىسى الداعى 7 اقپا­ندا استانا قالاسىندا وتەدى.

ەركىنبەك سەرىكباي ۇلى,

«ادەبيەت پەن ونەر» پورتالىنىڭ قازاقستانداعى وكىلى