2025 جىلدىڭ باسىنان بەرى جەدەل ىزدەستىرۋ شارالارى بارىسىندا 20 بىرلىك اتىس قارۋى مەن تراۆماتيكالىق قارۋ تاركىلەندى, ونىڭ ىشىندە 4 قارۋ قاڭتار وقيعاسى كەزىندە ۇرلانعان, دەپ حابارلايدى Egemen.kz.
ىشكى ىستەر مينيسترلىگى ءباسپاسوز قىزمەتىنىڭ حابارلاۋىنشا, سونداي-اق 6 گراناتا مەن ءارتۇرلى كاليبرلى 150-دەن استام وق-ءدارى تاركىلەندى.
الماتى قالاسىنىڭ ۇيىمداسقان قىلمىسقا قارسى كۇرەس باسقارماسى تەرگەۋ يزولياتورىنىڭ قىزمەتكەرلەرىمەن بىرلەسىپ, تۇركسىب اۋدانىندا قارۋ جاسىرىلعان جەردى انىقتادى. 3 شولاق مىلتىق, 3 تاپانشا, 4 گراناتا, شامامەن 50 پاترون, سونىمەن قاتار قاڭتار وقيعاسى كەزىندە قارۋ-جاراق دۇكەنىنەن ۇرلانعان كارابين تاركىلەندى.
تاراز قالاسىندا 2 شولاق مىلتىق جانە قاڭتار وقيعاسى كەزىندە ۇرلانعان جاۋىنگەرلىك اربالەت تابىلدى.
اقتوبەدە 56 پاترونى بار توز ۆينتوۆكاسى مەن ف-1 گراناتاسى تاركىلەندى.
الماتى وبلىسىندا 2 قارۋ, رگد-5 گراناتاسى جانە كالاشنيكوۆ اۆتوماتىنىڭ 20 پاترونى, سونداي-اق قاڭتار وقيعاسى كەزىندە ۇرلانعان 2 ماكاروۆ تاپانشاسى تابىلدى.
تالدىقورعان قالاسىندا جەرگىلىكتى تۇرعىننىڭ اۆتوكولىگىنەن 5 تراۆماتيكالىق تاپانشا تاركىلەندى.
«سوڭعى ەكى جىلدا ۇيىمداسقان قىلمىسقا قارسى كۇرەس بولىنىستەرى زاڭسىز اينالىمنان 1000-نان استام قارۋ-جاراق تاركىلەدى, ونىڭ ىشىندە قاڭتار وقيعاسى كەزىندە ۇرلانعان 130 قارۋ بار. بۇل باعىتتاعى جۇمىس ىشكى ىستەر مينيسترلىگىنىڭ ەرەكشە باقىلاۋىندا», دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.