قىستىگۇنى كولىك ءنومىرىن قار جاۋىپ قالسا دا ايىپپۇل سالىنادى, دەپ حابارلايدى Egemen.kz.
قىستا كەيبىر ادامدار كولىكتەرىنىڭ نومىرلەرىن تازالاۋعا سالعىرت قارايدى. مۇنداي كولىك جۇرگىزۋشىلەرىنە اقبتك-ءنىڭ 590-بابىنىڭ 1-بولىگى «كولىك قۇرالدارىن پايدالانۋ ەرەجەلەرىن بۇزۋ» بويىنشا ايىپپۇل سالىنادى.
- وقىلمايتىن نەمەسە سايكەس كەلمەيتىن مەملەكەتتىك تىركەۋ نومىرلەرى (بەلگىلەرى) ورناتىلعان كولىكتى جۇرگىزۋ بەس ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى, - دەپ جازىلعان باپتا.
2025 جىلعا بەكىتىلگەن 1 اەك – 3 932 تەڭگەگە تەڭ. وسىلايشا, كولىك ءنومىرىن قاردان تازالاماعان جۇرگىزۋشىلەرگە 19 660 تەڭگە ايىپپۇل تولەۋگە تۋرا كەلەدى. وتكەن جىلى ايىپپۇل مولشەرى 17 250 تەڭگەنى قۇراعان.