الەۋمەتتىك جەلىدە Google Mars سپۋتنيگى ۇسىنعان سۋرەتتەر نەگىزىندە «كاسپي تەڭىزىنىڭ تۇبىنە كەمە باتىپ كەتكەن بولۋى مۇمكىن» دەگەن اقپارات تاراعان بولاتىن. وسىعان وراي تەڭىز تۇبىنە زەرتتەۋ جۇرگىزىلدى, دەپ حابارلايدى Egemen.kz.
ماڭعىستاۋ وبلىسىنىڭ تۋريزم باسقارماسى مەن توتەنشە جاعدايلار دەپارتامەنتى بولجالدى كوورديناتتار بويىنشا مەلوۆوي مۇيىسىنەن 1,5 شاقىرىم قاشىقتىقتاعى تەڭىز ءتۇبىن زەرتتەدى. زەرتتەۋ قورىتىندىسى بويىنشا جەلىدە تاراعان اقپارات شىندىققا جاناسپايتىنى انىقتالدى.
«قۇتقارۋشىلار Y-150 تەرەڭدىك سكانەرلى ەحولوتىن قولدانىپ, تەڭىز ءتۇبىن زەرتتەدى. ناتيجەسىندە باتقان نىساندار انىقتالمادى. زەرتتەلگەن ايماقتاعى تەرەڭدىك 9–10 مەتر بولادى», دەلىنگەن حابارلامادا.