اتىراۋ. 5 اقپان. اتىراۋ قالالىق اكىمدىگىنە قاراستى اقجار ەلدى مەكەنىندە كۇنىنە 1 توننا 200 كيلو شۇجىق ونىمدەرىن شىعاراتىن جاڭا تسەح اشىلدى. بۇل تۋرالى egemen.kz ءتىلشىسى حابارلادى.
شۇجىق ونىمدەرىن دايىندايتىن تسەحتى يساتاي باتىرباەۆ قۇرىلتايشىلىق ەتەتىن «جەمىس» سەرىكتەستىگى ىسكە قوستى. تسەحقا فرانتسيادان شىعارىلعان تەحنولوگيالار ورناتىلدى. سونداي وزىق تەحنولوگيانىڭ ءبىرى –«ءسارىس» پەشىندە 40 مينۋتتا 350 كيلو شۇجىق فارشىن دايىنداۋ مۇمكىندىگى بار. تسەح باسشىسى لۇقپان ابىلاەۆتىڭ ايتۋىنشا, شۇجىقتار تازا ءارى ساپالى, مەرزىمىنەن بۇرىن بۇزىلۋعا جول بەرمەيتىن قاپتامامەن قاپتالادى. ال دامدەۋىشتەر الماتىدان جەتكىزىلەدى. شۇجىققا قاجەتتى ەت اققىستاۋ سەلوسىنان تاسىمالدانادى.
«ءبىزدىڭ تسەحىمىزدا كۇنىنە 1 توننا 200 كيلوعا شۇجىق دايىنداۋعا تولىق مۇمكىندىك بار. جوعارى ساپامەن دايىندالعان ءوز ونىمدەرىمىزدى اشىق سورەلەردە ساۋدالاۋعا قارسىمىز. تەك «اتابا», «يدەال» سەكىلدى ساۋدا ورتالىقتارى ارقىلى تۇتىنۋشىعا ۇسىنۋدى ءجون كوردىك», دەيدى تسەح باسشىسى لۇقپان ابىلاەۆ.
جەرگىلىكتى ءونىم وندىرۋشىلەرگە گرۋزيالىق سۋلحان چيحادزە ءدامدى شۇجىق دايىنداۋ قۇپياسى جونىندە كەڭەس بەرەدى. ازىرگە تسەحتا ءتورت ءتۇرلى شۇجىق دايىندالادى.
جولداسبەك شوپەعۇل.
دەرەك: egemen.kz.
سۋرەت: راحىم قويلىباەۆ.