قاراعاندى وبلىسىندا قاتتى جەلدىڭ سالدارىنان جولاۋشىلار مىنگەن اۆتوبۋس اۋدارىلىپ قالدى, دەپ حابارلايدى Egemen.kz.
جول-كولىك وقيعاسى «باستاۋ-اقتاۋ-تەمىرتاۋ» رەسپۋبليكالىق تاس جولىنىڭ بويىندا بۇقار جىراۋ اۋدانىنداعى پەتروۆكا اۋىلىنىڭ ماڭىندا بولعان. №84 اۆتوبۋس بوتاقارا-قاراعاندى باعىتىمەن جۇرگەن.
«وقيعا كەزىندە كولىكتە 17 جولاۋشى بولعان. باقىتىمىزعا وراي, ولاردىڭ ەشقايسىسى زارداپ شەككەن جوق. پوليتسيا قىزمەتكەرلەرى جولاۋشىلارعا قاجەتتى بارلىق كومەك كورسەتىپ جاتىر», دەپ حابارلادى قاراعاندى وبلىسى پد ءباسپاسوز قىزمەتى.
ايتا كەتەيىك, قاراعاندى وبلىسىندا داۋىلدى ەسكەرتۋ جاريالانعان ەدى. وبلىستىڭ باسىم بولىگىندە قارلى بوران ساقتالادى. وبلىستىق توتەنشە جاعدايلار دەپارتامەنتى تۇرعىنداردان ەلدى مەكەندەردەن تىس جەرلەردە جۇرمەۋدى سۇرادى. قازىرگى ۋاقىتتا وبلىستا التى جول ۋچاسكەسى جابىق تۇر.