استىق تەرمينالى قايتا ىسكە قوسىلدى

مۇناي كەن ورىندارىنان شالعايلاۋ جاتقاندىقتان با, تۇرعىندارى مۇنايشىلىق جۇمىسقا كوپ ىلىگە بەرمەيتىن بەينەۋدىڭ ساناۋلى جۇرتى تەرمينالدان تۇراقتى جۇمىس تا­ۋىپ, ناپاقاسىن ايىردى. الايدا قارجىلىق كەدەرگىلەرگە بايلانىستى تەرمينال 2018 جىلى جۇمىسىن توقتاتتى.

ەندى, مىنە, اراعا 6 جىل سالىپ قايتا اشىلىپ وتىر. جالپى اۋدانى 26 گەكتار­دى قۇ­­رايتىن قازاقستان – تۇرىك­مەن­ستان شەكاراسىنا تىكە­لەي شىعۋعا مۇمكىندىك بەرەتىن 8 شاقىرىمدىق تەمىر­جولى, ءوزىنىڭ جىلجىمالى قۇ­رامى بار پەرسپەك­­تيۆالى لوگيس­تيكالىق حاب بولىپ سانالادى. جۇمىسىن قايتا باستاعان تەر­مينالعا 10 ۆاگون, ياعني 700 توننا بيداي كەلدى. استىقتىڭ 75 پايىزىنان ۇن شىقسا, 25 پايىزىنان كەبەك وندىرىلەدى.

اشىلۋ سالتاناتىندا بەينەۋ اۋدانىنىڭ اكىمى راحىمجان شالباەۆ جانە اۋداندىق ءماسلي­حات توراعاسى ارداق بوراش ۇن شىعارۋ جۇمىسىمەن تانىسىپ شىقتى. اۋداندىق ارداگەرلەر كەڭەسى توراعاسىنىڭ ورىنباسارى قادىر سارسەن يگى ءىستىڭ باستاۋىنا باتاسىن بەردى.

تەرمينالدىڭ قۋاتتىلىعى ءبىر مەزگىلدە 100 مىڭ توننا استىق ساقتاۋعا مۇمكىندىك بەرىپ, تاۋلىگىنە 320 توننا ۇن مەن 80 توننا كەبەك وندىرەدى. جاڭعىرتۋدان كەيىن 400 توننا ۇن جانە 240 توننا قۇراما جەم بەرۋگە قاۋقارلى بولماق.

گازەتىمىزدىڭ 2024 جىلعى 1 ماۋسىمداعى سانىندا «استىق تەرمينالى وندىرىستىك قۋاتتى ەسەلەيدى» تاقىرىبىمەن استىق تەرمينالىن قايتا ىسكە قوسۋدىڭ ۇيىمداستىرۋ جۇمىسى تۋرالى ەگجەي-تەگجەي بايانداعان ەدىك. ەندى «ەۋرازيا ترانس لوگيستيك» جشس «كاسپي» الەۋمەتتىك-كاسىپكەرلىك كورپوراتسياسىمەن بىرلەسىپ, استىق تەر­مينالىنىڭ قايتا ىسكە قو­سىلۋىنا مۇرىندىق بولدى. جاۋاپتى مەكەمەلەردىڭ ۇسى­نىسقا دەر كەزىندە نازار اۋدار­­عانىنا ءبىز دە العىسىمىزدى بىلدىرەمىز.

ماڭعىستاۋ وبلىسى