«قازاۆتوجول» قولايسىز اۋا رايىنا بايلانىستى اقمولا, پاۆلودار, قاراعاندى وبلىستارىنداعى جول ۋچاسكەلەرىندە كولىك قوزعالىسىنا شەكتەۋ ەنگىزىلگەنىن حابارلادى, دەپ جازادى Egemen.kz.
اقمولا وبلىسىنداعى «استانا-ەرەيمەنتاۋ-شىدەرتى» اۆتوجولىنىڭ 16-200 شاقىرىم ارالىعىنداعى ۋچاسكەسىندە (استانا قالاسىنان پاۆلودار وبلىسىنىڭ شەكاراسىنا دەيىن) كولىك قوزعالىسى شەكتەلدى.پاۆلودار وبلىسىنداعى «استانا-ەرەيمەنتاۋ-شىدەرتى» اۆتوجولىنىڭ 200-254 شاقىرىم ارالىعىنداعى ۋچاسكەسىندە دە (اقمولا وبلىسىنىڭ شەكاراسىنان شىدەرتى اۋىلىنا دەيىن) بۇگىن ساعات 16: 20-دان جول جابىلدى.كومپانيا اقپاراتىنا ساي, بۇل جول ۋچاسكەلەرىن 21 قاڭتار ساعات 07:00-دە اشۋ جوسپارلانعان.
قاراعاندى وبلىسىنداعى «استانا-قاراعاندى-الماتى» اۆتوجولىنىڭ 1353-1426 شاقىرىم ارالىعىنداعى ۋچاسكەسى بۇگىن ساعات 18: 30-دان باستاپ جابىلادى.
بۇل جول بولىگىن 21 قاڭتار ساعات 06:00-دە اشۋ جوسپارلانعان.