ادىلەت ءمينيسترى ەرلان سارسەمباەۆ مەملەكەت باسشىسىنا ۆەدومستۆو قىزمەتىنىڭ نەگىزگى باعىتتارى تۋرالى باياندادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنتكە ادىلەت ورگاندارى قىزمەتىنىڭ نەگىزگى باعىتتارى, سونداي-اق مەملەكەت باسشىسىنىڭ «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» اتتى جولداۋىن جۇزەگە اسىرۋ اياسىندا بەلگىلەنگەن مينيسترلىكتىڭ ماقساتتارى مەن مىندەتتەرى جونىندە باياندالدى.
قاسىم-جومارت توقاەۆقا نورماتيۆتىك اكتىلەر ازىرلەۋ قىزمەتىنىڭ ساپاسىن ارتتىرۋ, زاڭ ۇستەمدىگىن قامتاماسىز ەتۋ جانە ادىلەتتى ءارى قاۋىپسىز قوعام قالىپتاستىرۋ بويىنشا اتقارىلىپ جاتقان جۇمىستار تۋرالى مالىمەت بەرىلدى.
مەملەكەت باسشىسى قۇقىقتىق جۇيەنى نىعايتۋ ۇدەرىسىندە ازاماتتاردىڭ قۇقى مەن مۇددەسىنە دەن قويۋدىڭ ماڭىزىن اتاپ ءوتتى.
كەزدەسۋ سوڭىندا پرەزيدەنت بىرقاتار تاپسىرما بەردى.