جاڭا زاۋىت ىسكە قوسىلدى

رەسمي دەرەككە جۇگىنسەك, جوبا قۇنى 2,8 ملرد تەڭگەنى قۇرايدى. سۋ جاڭا زاۋىتتا جىلىنا 20 مىڭ گەكتارعا دەيىنگى القاپتى تامشىلاتىپ سۋارۋعا قاجەتتى جابدىقتار وندىرىلمەك. قازىرگى كەزدە جاڭا زاۋىتتا 30 ادام تۇراقتى جۇمىسپەن قامتىلعان. ءوندىرىس وشاعى تولىق قۋاتىندا جۇمىس ىستەگەن كەزدە جۇمىسشىلار سانى ەكى ەسەگە دەيىن ارتپاق.

«جاڭا ءوندىرىس وشاعى كەلەسى ۆەگەتاتسيالىق كەزەڭگە تولىعىمەن دايىن دەپ ايتۋعا نەگىز بار. فەرمەرلەرگە 6000 گەكتار سۋارۋ جابدىقتارى بەرىلەدى. بۇدان بولەك ۇڭعىمالاردى بۇرعىلاۋعا ارنالعان قۇرال-جابدىقتار دەر كەزىندە جەتكىزىلدى. مەملەكەت باسشىسىنىڭ جان-جاقتى قولداۋىنىڭ ارقاسىندا وڭىرگە ينۆەستورلار تارتۋ جۇمىسى جۇيەلى تۇردە جۇرگىزىلىپ جاتىر», دەيدى ە. قاراشوكەەۆ.

جاڭا زاۋىت «قاز كاسپي گيدرو سەلحوز تەحنولوگيا» جشس-ءنىڭ جوباسى ەكەنىن ايتا كەتكەن ءجون. ءبىرشاما ۋاقىت بۇرىن قولعا الىنعان قۇرىلىس جۇمىسى ناتيجەلى اياقتالىپ, ءوندىرىس وشاعى جاڭا جىلدان كەيىن ىسكە كىرىستى.

جالپى العاندا وڭىردە 181,8 مىڭ گەكتار سۋارمالى القاپ بار. ونىڭ 127,3 مىڭ گەكتارى جەرۇستى ادىسىمەن سۋارىلسا, 28,5 مىڭ گەكتار القاپقا جاڭبىرلاتىپ سۋارۋ ءادىسى قولدانىلادى, 11,5 مىڭ گەكتار القاپقا تامشىلاتىپ سۋارۋ جۇيەسى پايدالانىلادى. وتكەن جىلى 15,2 مىڭ گەكتار جەرگە سۋ ۇنەمدەۋ تەحنولوگياسى ورنالاستىرىلعان. وسى جىلى قوسىمشا 10 گەكتار القاپقا جاڭا تەحنولوگيا ەنگىزىلمەك. ناتيجەسىندە كورسەتكىش 64,5 مىڭ گەكتار القاپقا دەيىن ۇلعايماق. 

جامبىل وبلىسى