جەلىدە 25 جەلتوقساندا اقتاۋ ماڭىندا اپاتقا ۇشىراعان AZAL ۇشاعىنىڭ قارا جاشىگىنىڭ ستەنوگرامماسى پايدا بولدى. قر كولىك مينيسترلىگى جاريالانعان دەرەكتەرگە قاتىستى تۇسىنىكتەمە بەردى, دەپ حابارلايدى Egemen.kz.
«قر كولىك مينيسترلىگىنە قاراستى اۆياتسيالىق وقيعانىڭ سەبەبىن انىقتاۋ جونىندەگى ارنايى كوميسسياسىنىڭ جۇمىسى جالعاسۋدا. الدىن الا ەسەپ جاريالانعانعا دەيىن كوميسسيا رەسمي دەرەككوزى جوق عالامتوردا جاريالانعان دەرەككە تۇسىنىكتەمە بەرمەيدى», دەلىنگەن حابارلامادا.
ەستەرىڭىزگە سالا كەتەيىك, كوميسسيا قر زاڭناماسىنىڭ تالاپتارىنا جانە يكاو-نىڭ 13-قوسىمشاسىنىڭ تالاپتارىنا سايكەس الدىن الا ەسەپ جاريالايدى. وندا تەرگەۋ بارىسى جانە تەرگەۋ ناتيجەسىندە انىقتالعان ناقتى اقپارات بولادى.