بۇگىن ماجىلىستە انتيكور توراعاسىنىڭ ءبىرىنشى ورىنباسارى ۇلان سارقۇلوۆ سىبايلاس جەمقورلىققا قارسى ءىس-قيمىل ماسەلەلەرى بويىنشا زاڭعا ەنگىزىلەتىن وزگەرىستەردى باياندادى, دەپ جازادى Egemen.kz.
ۇلان سارقۇلوۆتىڭ ايتۋىنشا, سىبايلاس جەمقورلاردىڭ جاريا ءتىزىمى جاساقتالادى. ول اگەنتتىك بۇل قادامعا قوعامداعى «بارماق باستى, كوز قىستى» ارەكەتتەرگە توقتاۋ سالۋ ءۇشىن بارىپ وتىرعانىن ءتۇسىندىردى. زاڭ قابىلدانعاندا مۇنداي «قارا تىزىمگە» اۋىر, اسا اۋىر دەڭگەيدە سىبايلاس جەمقورلىق بويىنشا سوتتالعانداردىڭ اتى-ءجونى ەنگىزىلەدى. مالىمەتتەر زاڭدى كۇشىنە ەنگەن ايىپتاۋلار نەگىزىندە ازىرلەنەدى.
«بۇل - پروفيلاكتيكالىق قۇرال. وزگەرىس قوعام بولىپ مۇنداي قىلمىسقا قارسى تۇرۋدى كوزدەيدى. تىزىمنەن زاڭدى كۇشىنە ەنگەن اقتاۋ, ايىپتى تۇزەتۋ مەكەمەلەرىندە وتەۋ مەرزىمى اياقتالعانداردىڭ دەرەكتەرى شىعارىلادى. ءتىزىم سىبايلاس جەمقورلىققا قارسى ءىس-قيمىل اگەنتتىگىنىڭ سايتىندا جاريالانادى», دەدى ۇلان سارقۇلوۆ.