پرەزيدەنت قاسىم-جومارت توقاەۆ «ابۋ ءدابيدىڭ ورنىقتى دامۋ اپتالىعىنىڭ» اشىلۋ سالتاناتىنا جانە ورنىقتى دامۋ سالاسىنداعى Zayed Sustainability Prize سىيلىعىن تاپسىرۋ راسىمىنە قاتىستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ءىس-شاراعا قاتىسۋشىلار قاتارىندا بىرىككەن اراب امىرلىكتەرىنىڭ پرەزيدەنتى شەيح مۇحاممەد بەن زايد ءال ناحايان, ازەربايجان پرەزيدەنتى يلحام اليەۆ, رۋاندا پرەزيدەنتى پول كاگاما, وزبەكستان پرەزيدەنتى شاۆكات ميرزيوەۆ, مالايزيا پرەمەر-ءمينيسترى انۋار يبراگيم, جاڭا زەلەنديا پرەمەر-ءمينيسترى كريستوفەر لاكسون, فينليانديا پرەمەر-ءمينيسترى پەتتەري ورپو, سونداي-اق ساياساتكەرلەر, قايتا جاڭارتىلاتىن ەنەرگيا كوزدەرى, تەحنولوگيالىق دامۋ جانە يننوۆاتسيا سالالارىنداعى كوشباسشىلار, ينۆەستورلار مەن كاسىپكەرلەر بار.
سامميت اياسىندا مەملەكەت باسشىسى قاسىم-جومارت توقاەۆ ءسوز سويلەيدى.
«ابۋ ءدابيدىڭ ورنىقتى دامۋ اپتالىعى» (ADSW) – ورنىقتى دامۋ جانە كليمات وزگەرىسىنە قارسى كۇرەس ماسەلەلەرىنە ارنالعان جەتەكشى جاھاندىق الاڭداردىڭ ءبىرى. جيىن جاسىل تەحنولوگيا مەن ەنەرگيانىڭ قايتا جاڭارتىلاتىن كوزدەرىنە ينۆەستيتسيا سالۋدى ىنتالاندىرۋعا, بۇۇ-نىڭ ورنىقتى دامۋ ماقساتتارىنا جەتۋ ءۇشىن يننوۆاتسيالىق شەشىمدەر ىزدەۋگە باعىتتالعان. بيىل فورۋم «بولاشاقپەن بايلانىس: ورنىقتى دامۋدى جەدەلدەتۋ» (The Nexus of Next. Supercharging Sustainable Progress) تاقىرىبىندا وتەدى.