«قازاقفيلم» جانىنداعى «قازاقانيماتسيا» شىعارماشىلىق بىرلەستىگى 13 سەريادان تۇراتىن «توقاش پەن باقاش» انيماتسيالىق جوباسىن اياقتادى. جوبا بيىل كورەرمەنگە ۇسىنىلادى.
سونداي-اق «ۇلتتىق كينونى قولداۋ مەملەكەتتىك ورتالىعىنىڭ» قولداۋىمەن قىسقامەترلى ء«ۇمىت ءاردايىم جانىمىزدا» جانە تولىقمەترلى «التىن ادام» انيماتسيالىق فيلمدەرى جارىققا شىعادى.
2024 جىلى قازاق انيماتسياسىنىڭ كلاسسيكالىق تۋىندىلارى «اقساق قۇلان», «اقىل مەن بايلىق», «قارلىعاشتىڭ قۇيرىعى نەگە ايىر؟» زاماناۋي فورماتتا جاڭارتىلدى.
سونىمەن قاتار گولليۆۋد ستۋديالارى قازاق تىلىندە دۋبلياجدالعان «ويجۇمباق 2», «موانا 2», «مۋفاسا: ارىستان پاتشا» جانە «جابايى روبوت» فيلمدەرىن كەڭ پروكاتقا شىعاردى.
«كينوپويسك» پلاتفورماسى «گارفيلد» انيماتسيالىق ءفيلمىن, ال «Bee TV» «دا ءۆينچيدىڭ تاڭعاجايىپ وقيعالارىن» قازاق تىلىنە اۋدارىپ, ونلاين كورسەتىلىمگە ۇسىندى.
بيىل «قازاقانيماتسيا» اياسىندا 10 جاڭا انيماتسيالىق جوبا مەن «جىبەك», «كوماندا ا. ميسسيا ايكا» فيلمدەرىنىڭ ءتۇسىرىلىمى اياقتالادى دەپ جوسپارلانىپ وتىر. سونداي-اق قازاق كينوسىنىڭ التىن قورىنداعى «اق بوتا» ءفيلمى رەستاۆراتسيادان ءوتىپ, جاڭارتىلماق.
مەملەكەتتىك قولداۋعا يە بولاتىن جاڭا انيماتسيالىق فيلمدەر ۇلتتىق قۇندىلىقتار, اتا-اناعا قۇرمەت, قازاق ەرتەگىلەرى, دوستىق جانە سپورت تاقىرىپتارىنا ارنالادى.
قازاق انيماتسياسىن دامىتۋ ماقساتىندا بيىلدان باستاپ ارنايى ستراتەگيا ازىرلەنىپ, ونى جەتىلدىرۋ جۇمىستارى جالعاسىن تابادى.