قازاقستان ءىىم ينتەرپولىنىڭ سۇراۋىمەن رەسەي فەدەراتسياسىنىڭ نوۆوسيبيرسك قالاسىندا 24 جاستاعى قازاقستان ازاماتى ۇستالدى. ول ۇلكەن كولەمدە الاياقتىق جاساعانى ءۇشىن حالىقارالىق ىزدەۋدە جۇرگەن, دەپ حابارلايدى Egemen.kz Polisia.kz-كە سىلتەمە جاساپ.
پوليتسيانىڭ حابارلاۋىنشا, كۇدىكتى بىلتىر جازدا الماتىداعى ساۋدا ۇيلەرىنىڭ بىرىندە تەحنيكا ساتۋشى بولىپ جۇمىس ىستەپ, ازاماتتارعا ءموبيلدى تەلەفوندار مەن ولاردىڭ اكسەسسۋارلارىن وتكىزۋ سىلتاۋىمەن الاياقتىق جاساعان. ول 20 ميلليون تەڭگەدەن استام اقشا جىمقىرعان.
قازىرگى ۋاقىتتا كۇدىكتى قاماۋعا الىنعان.