پاۆلودار وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, قىلمىستىق قۇقىق بۇزۋشىلاردى ىزدەۋ تەك ەل ىشىندە جەدەل ءىس-شارالار وتكىزۋمەن شەكتەلمەيدى. ىزدەستىرۋ ەلدەن تىس جەرلەردە دە جۇزەگە اسىرىلادى, دەپ حابارلايدى Egemen.kz.
- ۇيلەستىرىلگەن قىزمەت جانە 2024 جىلدىڭ وتكەن كەزەڭىندە شەتەلدىك يۋريسديكتسيالارداعى حالىقارالىق ارىپتەستەرمەن تىعىز ءوزارا ءىس – قيمىل ناتيجەسىندە گەرمانيا, رەسەي, قىرعىزستان جانە وزبەكستان سياقتى مەملەكەتتەردىڭ اۋماعىندا 15 قىلمىسكەر انىقتالدى جانە ۇستالدى, – دەدى دەپارتامەنتتە.
پوليتسيا تەرگەۋ ورگاندارىنا جاسىرىن ادامداردىڭ مەملەكەتتىك, بانكتىك, مەديتسينالىق, كولىك قىزمەتتەرىن العانى تۋرالى دەر كەزىندە سيگنال بەرەتىن مەملەكەتتىك مەكەمەلەر مەن مەملەكەتتىك ەمەس ۇيىمداردىڭ اقپاراتتىق جۇيەلەرىن ىزدەستىرۋ جۇمىسىنا قولدانىلاتىن تسيفرلىق تەحنولوگيالاردى كەڭىنەن ەنگىزۋدىڭ جانە بارىنشا ينتەگراتسيالاۋدىڭ ماڭىزدىلىعىن اتاپ ءوتتى.
«زاڭ جانە ءتارتىپ» قاعيداتى ىشكى ىستەر ورگاندارىنىڭ قىزمەتىنىڭ نەگىزى بولىپ قالا بەرەدى جانە جەدەل بولىمشەلەر وكىلدەرىنىڭ ۇيلەسىمدى جانە كاسىبي جۇمىسىنىڭ ارقاسىندا قاشقىنداردىڭ كوپ بولىگى تابىلادى. ناتيجەسىندە, جازانىڭ بۇلتارتپاستىعى قاعيداتى بويىنشا, قىلمىس جاساعانى ءۇشىن قاشقىندار سوت الدىندا جاۋاپ بەرەدى.