ەندى ەل ازاماتتارى بۇرىن العان كوللەدج ديپلومدارى مەن مەكتەپ اتتەستاتتارىن eGov.kz پورتالىندا تسيفرلاندىرا الادى, دەپ حابارلايدى Egemen.kz «ۇلتتىق اقپاراتتىق تەحنولوگيالار» مالىمەتىنە سىلتەمە جاساپ.
eGov.kz پورتالىندا ءبىلىم تۋرالى قۇجاتتاردى تسيفرلاندىرۋعا ارنالعان قىزمەت قولجەتىمدى بولدى.
«ەندى ازاماتتار تەك قاتە دەرەكتەردى تۇزەتىپ قانا قويماي, قۇجاتتىڭ تسيفرلىق نۇسقاسىن جاساۋعا ءوتىنىش بەرە الادى. قىزمەت تەك بۇرىن الىنعان ديپلومنىڭ نەمەسە اتتەستاتتىڭ سكانەرلەنگەن كوشىرمەسى بولعان جاعدايدا عانا قولجەتىمدى», دەلىنگەن حابارلامادا.
ء«بىلىم تۋرالى قۇجاتتارداعى مالىمەتتەردى جاڭارتۋ (تۇزەتۋ)» مەملەكەتتىك قىزمەتى كەڭەيتىلگەن. بۇرىن بۇل قىزمەت تەك قاتە مالىمەتتەردى تۇزەتۋگە مۇمكىندىك بەرسە, ەندى ءبىلىم تۋرالى قۇجاتتاردى تسيفرلاندىرۋعا ءوتىنىش بەرۋ مۇمكىندىگى قوسىلعان.
قىزمەتتى پايدالانۋ ءۇشىن:
eGov.kz پورتالىندا اۆتوريزاتسيادان ءوتىپ, «ازاماتتارعا» - ء«بىلىم» ءبولىمىن تاڭداۋ كەرەك; ء«بىلىم تۋرالى قۇجاتتارداعى مالىمەتتەردى وزەكتەندىرۋ (تۇزەتۋ)» قىزمەتىن تاڭداپ, «ونلاين سۇراۋ» باتىرماسىن باسۋ قاجەت; ء«بىلىم تۋرالى قۇجاتتار تۋرالى اقپاراتتى تسيفرلاندىرۋ» قىزمەتىن تاڭداپ, ءبىلىم تۋرالى قۇجاتتىڭ ءتۇرىن كورسەتىپ, قۇجاتتىڭ سكانەرلەنگەن كوشىرمەسىن تىركەۋ كەرەك; قىزمەتتىڭ ناتيجەسى پايدالانۋشىنىڭ جەكە كابينەتىندە «قىزمەتتەردى الۋ تاريحى» بولىمىندە قولجەتىمدى بولادى.قۇجاتتاردى تسيفرلاندىرۋ كەزەڭ-كەزەڭمەن جۇزەگە اسىرىلادى. قازىرگى ۋاقىتتا 1980 جىلدان 2023 جىلعا دەيىن بەرىلگەن ورتا ءبىلىم, تەحنيكالىق جانە كاسىبي ءبىلىم بەرۋ قۇجاتتارى تسيفرلاندىرۋعا جاتادى. قىزمەتتى كورسەتۋ ۋاقىتى – 5 جۇمىس كۇنىن قۇرايدى.
قىزمەت كورسەتۋدەن باس تارتۋ ۇسىنىلعان قۇجاتتار نەمەسە دەرەكتەر قاتە بولعان جاعدايدا مۇمكىن.