ءماجىلىس دەپۋتاتى, جالپىۇلتتىق سوتسيال-دەموكراتيالىق پارتياسى فراكتسياسىنىڭ مۇشەسى اجار ساعاندىقوۆا شىمكەنت قالالىق توتەنشە جاعدايلار دەپارتامەنتىنىڭ جۇمىسىمەن تانىسىپ, بىرنەشە ءورت ءسوندىرۋ بەكەتىن ارالادى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
دەپۋتات ء«نۇرسات-2» شاعىناۋدانىندا ورنالاسقان №9 شىمكەنت قالالىق ءورت ءسوندىرۋ جانە اۆاريالىق قۇتقارۋ مەملەكەتتىك مەكەمەسىنە باردى. وندا 107 جەكە قۇرام بار. ولار 4 اۋىسىممەن قىزمەت اتقارادى. ءورت ءسوندىرۋ دەپوسى تولىق ماتەريالدىق-تەحنيكالىق قۇرىلعىلارمەن قامتىلعان. سونداي-اق اجار ساعىندىقوۆا №3 جانە №5 ءورت ءسوندىرۋ بەكەتتەرىندە بولىپ, ءورت سوندىرۋشىلەرمەن تىلدەستى.
ء«ورت ءسوندىرۋ بولىمدەرىنىڭ جۇمىسى جولعا قويىلعان, قاجەتتى تەحنيكا مەن جابدىقتارى بار. دەگەنمەن ءورت ءسوندىرۋ قىزمەتى ءتيىمدى جۇمىس ىستەۋى ءۇشىن قوسىمشا بەكەتتەر قۇرۋ قاجەت. وسىعان بايلانىستى توتەنشە جاعدايلار دەپارتامەنتىنىڭ باسشىلىعى اكىمدىكپەن بىرلەسىپ جاڭا ءموبيلدى بەكەتتەر اشۋ مۇمكىندىگىن قاراستىرىپ جاتىر. وندا قالانىڭ ورتالىقتان الىس ەلدى مەكەندەرىندە ءورت ءسوندىرۋ كوماندالارى عانا ەمەس, مەديتسينالىق جەدەل جاردەم ستانتسياسى مەن پوليتسيا قىزمەتكەرلەرىنىڭ ءموبيلدى توپتارى ورنالاساتىن بولادى», دەدى اجار ساعاندىقوۆا.
سونىمەن قاتار دەپۋتات مەملەكەتتىڭ نەگىزگى باسىمدىقتارىنىڭ ءبىرى ازاماتتاردىڭ قاۋىپسىزدىگى مەن تىنىشتىعى ەكەنىن ايتتى. قاۋىپتىڭ الدىن الىپ, كۇنى-ءتۇنى ايانباي ەڭبەك ەتەتىن توتەنشە جاعداي قىزمەتكەرلەرىنە ريزاشىلىعىن ءبىلدىردى.