الماتى قالاسىنا جۇمىس ساپارى اياسىندا ماجىلىستەگى «قازاقستان حالىق پارتياسى» فراكتسياسىنىڭ دەپۋتاتى يرينا سميرنوۆا №1 جىلۋ ەلەكتر ورتالىعىنىڭ جۇمىس بارىسىمەن تانىستى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
ءىس-شارا ايماقتاردىڭ ەرەكشەلىكتەرىن ەسكەرە وتىرىپ, ەكولوگيالىق ماسەلەلەر بويىنشا پارتيانىڭ سايلاۋالدى باعدارلاماسىنا سايكەس جۇزەگە اسىرىلدى.
ساپار بارىسىندا يرينا سميرنوۆا «الەس» اق (جەو-1) كوزدەرىندە ورناتىلعان شىعارىندىلاردى باقىلاۋدىڭ اۆتوماتتاندىرىلعان جۇيەسىنىڭ جۇمىسىمەن تانىستى. جۇيە ەكولوگيالىق باقىلاۋدىڭ اشىقتىعىن ارتتىرۋعا جانە اتموسفەراعا زياندى شىعارىندىلاردى ازايتۋعا باعىتتالعان.
«2017 جىلدان باستاپ جىلۋ ەلەكتر ورتالىعى گازعا كوشتى. بۇل زياندى زاتتاردىڭ شىعارىندىلارىن ونداعان ەسەگە ازايتتى. قالانى جىلۋمەن قامتاماسىز ەتۋ بويىنشا جۇيەلى جۇمىستار ۇيىمداستىرىلىپ, جولعا قويىلدى. دەگەنمەن كادر ماسەلەسىندە پروبلەمالار بار. مۇندا ومىرلەرىن وسى ماڭىزدى ىسكە ارناعان وتباسىلىق اۋلەتتەر بار. ينستيتۋت, كوللەدج تۇلەكتەرى ءىس جۇزىندە وندىرىسكە كەلە بەرمەيدى», دەدى دەپۋتات.
ماجىلىسمەن جەو باسشىلىعىمەن سو2 سياقتى از مولشەردە شىعارىلاتىن گازداردى قالا كاسىپورىندارىندا پايدالانۋ ءۇشىن جيناۋ مۇمكىندىگىن تالقىلادى. بۇل اۋانى جاقسى تازارتۋعا, سونداي-اق ەنەرگەتيكالىق كاسىپورىننىڭ ءوزى پايدا تابۋىنا ىقپال ەتەدى.
سونداي-اق مەگاپوليستىڭ ەكولوگيالىق جاعدايىن جاقسارتۋ ءۇشىن كادرلىق قامتاماسىز ەتۋ, ەكولوگيالىق باستامالاردى جۇزەگە اسىرۋ جانە وزىق تەحنولوگيالاردى ەنگىزۋ مۇمكىندىكتەرىنە قاتىستى باسقا دا ماسەلەلەر قارالدى. قازاقستان حالىق پارتياسى ازاماتتاردىڭ ءومىر ءسۇرۋ جاعدايىن جاقسارتۋعا, ەكولوگيالىق قاۋىپسىزدىك ماسەلەلەرىنە قاتىستى جۇمىسىن جالعاستىرا بەرەدى.