استانادا جەلىدە تانىمال «دۋباي شوكولادىنا» قاتىستى الاياقتىق جاساعان ەر ادام سوتتالدى. الاياق ءوزىن ساتۋشى رەتىندە تانىستىرىپ, تۇرعىنداردى 300 مىڭ تەڭگەگە سان سوقتىرىپ كەتكەن, دەپ حابارلايدى Egemen.kz.
استانا قالاسىنىڭ قىلمىستىق ىستەر جونىندەگى اۋدانارالىق سوتى بىرنەشە رەت الاياقتىق ارەكەتتەر جاسادى (قك190-بابى 3-بولىگىنىڭ 4) تارماعى) دەپ ايىپتالعان ا.-عا قاتىستى ءىستى قارادى.
ءىس ماتەريالدارىنا سايكەس, ا. «دۋباي شوكولادىن» ساتۋ سىلتاۋىمەن جابىرلەنۋشىلەردى الداپ, اقشالارىن بىرنەشە رەت يەمدەنگەن. وسىلايشا 10 جەرگىلىكتى تۇرعىننىڭ 301 020 تەڭگەسىن قالتاسىنا باسقان.
سوتتالۋشىنىڭ كىناسى جابىرلەنۋشىلەردىڭ ايعاقتارىمەن, بانكتىك اۋدارىمدارمەن جانە قىلمىستىق ءىس ماتەريالدارىمەن دالەلدەنگەن.
پروكۋرور ايىپتالۋشىعا 3 جىل 6 اي باس بوستاندىعىن شەكتەۋ تۇرىندە جازا تاعايىنداۋدى سۇراعان. ال قورعاۋشى تاراپ سوتتالۋشىنى باس بوستاندىعىنان ايىرماۋدى وتىنگەن.
«قك-ءنىڭ 190-بابى 3-بولىگى 4) تارماعىنىڭ سانكتسياسى مۇلكi تاركiلەنىپ, بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان 6 جىلعا دەيiنگi مەرزiمگە ايىرا وتىرىپ نەمەسە ونسىز, 3 جىلدان 7 جىلعا دەيىنگى مەرزiمگە باس بوستاندىعىن شەكتەۋدى نە ايىرۋدى كوزدەيدى. جاساعان ىسىنە وكىنۋ جانە زياندى وتەۋى جاۋاپكەرشىلىك پەن جازانى جەڭىلدەتەتىن ءمان-جايلار دەپ تانىلدى. اۋىرلاتاتىن ءمان-جايلار انىقتالعان جوق», دەلىنگەن حابارلامادا.
ناتيجەسىندە, سوت ۇكىمىمەن ا. قك-ءنىڭ 190-بابى 3-بولىگىنىڭ 4) تارماعىمەن كىنالى دەپ تانىلىپ, 3 جىلعا باس بوستاندىعىنان شەكتەلدى.ۇكىم زاڭدى كۇشىنە ەنگەن جوق.