«بۋراباي» مەملەكەتتىك ۇلتتىق تابيعي پاركىنىڭ ديرەكتسياسى مالىمەتىنشە 2024 جىلى كەلگەن تۋريستەر سانى 1 ميلليوننان اسىپ كەتكەن, دەپ حابارلايدى Egemen.kz.
ال 31 جەلتوقسان – 3 قاڭتار ارالىعىندا «بۋراباي» مۇتپ باقىلاۋ-وتكىزۋ پۋنكتتەرى ارقىلى 10 000-نان استام ادام, 3034 كولىك وتكەن. مەرەكە كۇندەرى زاڭ بۇزۋشىلىقتار انىقتالماعان.
بۇل – قىس مەزگىلىندە دە اتالعان پاركتىڭ تارتىمدى بولا باستاعانىن كورسەتەدى. بەلسەندى قىسقى دەمالىستى جاقسى كورەتىندەر اراسىندا ەڭ تانىمال تۋريستىك نىساندار – تاۋ شاڭعىسى بازالارى, «اقمارال» ورمان فەرماسى, شانامەن, شاڭعىمەن سىرعاناۋعا جانە كونكي تەبۋگە بولاتىن «Burabayland» قىسقى قالاشىعى. سونداي-اق, تۋريستەر ابىلاي حان الاڭىندا ورنالاسقان جاڭارتىلعان مۋلتيمەديالىق كەشەنگە بارعاندى ۇناتادى.