بۇل تۋرالى ازەربايجان پرەزيدەنتى ۇشاق اپاتىنان قازا تاپقان ەكيپاج مۇشەلەرىنىڭ وتباسىلارىمەن جانە امان قالعان ستيۋاردەسسالارمەن كەزدەسۋ بارىسىندا ايتتى, دەپ حابارلايدى Egemen.kz ازەرتادج-عا سىلتەمە جاساپ.
«وسى اپاتتان (اقتاۋداعى ۇشاق اپاتى – رەد.) ازەربايجان ازاماتتارىنىڭ قازا بولۋىنا رەسەي فەدەراتسياسىنىڭ وكىلدەرى كىنالى دەپ سەنىممەن ايتا الامىن. ال ءبىز ادىلدىكتى, كىنالىلەردىڭ جازالانۋىن تالاپ ەتەمىز», دەدى يلحام اليەۆ.
يلحام اليەۆ قازىر قارا جاشىكتەردى اشۋ پروتسەسى ءجۇرىپ جاتقانىن اتاپ ءوتتى.
«جاقىن ارادا ءبىز الدىن-الا ناتيجەنى بىلەتىنىمىزگە سەنىمدىمىن جانە ءبارى ءوز ورنىنا كەلەدى, بولعان تراگەديانىڭ بۇكىل كورىنىسى بەلگىلى بولادى. بۇل, ارينە, وسى تراگەديانى تولىق تەرگەۋ جانە ونداعى كىنالىلەردى جازالاۋ ىسىندەگى ماڭىزدى ءسات بولادى», دەدى ازەربايجان پرەزيدەنتى.
ەستەرىڭىزگە سالا كەتەيىك, 25 جەلتوقساندا اقتاۋ ماڭىندا, باكۋ-گروزنىي رەيسىن ورىنداعان AZAL جولاۋشىلار ۇشاعى اپاتقا ۇشىراعان بولاتىن. بورتتا 67 ادام, ونىڭ ىشىندە بەس ەكيپاج مۇشەسى بولعان. اپات سالدارىنان 38 جولاۋشى قازا تاۋىپ, 29 ادام امان قالدى.