5 قاڭتاردا تاجىكستانمەن شەكارالاس باتكەن وبلىسى لەيلەك اۋدانى ارقا-2 اۋىلىنداعى تۇرعىن ۇيلەردىڭ بىرىندە بەلگىسىز جارىلعىش زات جارىلعان, دەپ حابارلايدى Egemen.kz.
قىرعىزستان رەسپۋبليكاسى ۇلتتىق قاۋىپسىزدىك مەملەكەتتىك كوميتەتى شەكارا قىزمەتىنىڭ الدىن الا مالىمەتى بويىنشا, جارىلىسقا ءۇي يەسى ەسكى قۇرىلىس ماتەريالدارىنىڭ اراسىنان تاۋىپ العان سنارياد سەبەپ بولعان. جارىلىس سالدارىنان قاسىندا بولعان ايەل مەن ونىڭ 12 جاسار قىزى جاراقات العان.
قازىرگى ۋاقىتتا زارداپ شەككەندەردىڭ جاعدايى تۇراقتى دەپ باعالانعان.
«سونىمەن قاتار سول كۇنى قىرعىز رەسپۋبليكاسى مەن تاجىكستان رەسپۋبليكاسىنىڭ قۇقىق قورعاۋ ورگاندارىنىڭ وكىلدەرى اراسىندا كەزدەسۋ ءوتىپ, وندا تاجىك تاراپى بولعان وقيعا تۋرالى حاباردار ەتىلدى. قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ شەكارا قىزمەتى شەكارالاس ايماقتاردىڭ تۇرعىندارىن قىراعى بولۋعا جانە تابىلعان كۇدىكتى زاتتارعا قول تيگىزبەۋگە, دەرەۋ شەكارا بولىمشەلەرىنە نەمەسە قۇقىق قورعاۋ ورگاندارىنا حابارلاۋعا كەڭەس بەرەدى», دەلىنگەن حابارلامادا.