ولجاس بەكتەنوۆ پرەزيدەنت تاپسىرماسى بويىنشا تۇركىستان وبلىسىنىڭ اكتيۆىنە جاڭا اكىمدى تانىستىردى, دەپ جازادى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
بۇگىن ولجاس بەكتەنوۆ پەن پرەزيدەنت اكىمشىلىگىنىڭ باسشىسى ايبەك دادەباي تۇركىستان وبلىسى ءماسليحاتىنىڭ جينالىسىنا قاتىستى.
دەپۋتاتتارعا مەملەكەت باسشىسىنىڭ تۇركىستان وبلىسىنىڭ اكىمى لاۋازىمىنا ەكى كانديدات ۇسىنۋ تۋرالى حاتى وقىلدى. قاراۋعا تۇركىستان وبلىسى اكىمىنىڭ ورىنباسارى نۇرالحان كوشەروۆتىڭ جانە سوزاق اۋدانىنىڭ اكىمى مۇحيت تۇرىسبەكوۆتىڭ كانديداتۋرالارى ۇسىنىلدى. سايلاۋ كوميسسياسى اشىق داۋىس بەرۋ قورىتىندىسى بويىنشا 288 داۋىستىڭ 224-ءى نۇرالحان كوشەروۆكە بەرىلگەنىن مالىمدەدى.ءماسليحات جينالىسىنىڭ قورىتىندىسىنا سايكەس قر پرەزيدەنتىنىڭ ءتيىستى جارلىعىمەن نۇرالحان ورالباي ۇلى كوشەروۆ تۇركىستان وبلىسىنىڭ اكىمى بولىپ تاعايىندالدى.
وسى جيىندا ولجاس بەكتەنوۆ دارحان ساتىبالدىعا ءوڭىردىڭ دامۋىنا قوسقان ۇلەسى ءۇشىن العىس ايتىپ, الداعى قىزمەتىنە تابىس تىلەدى.