ءباسپاسوز, تەلەۆيزيا جانە راديو كۇنى قارساڭىندا پارلامەنت سەناتىنىڭ توراعاسى قاسىم-جومارت توقاەۆ پارلامەنتتە تىركەلگەن جۋرناليستەردى كاسىبي مەرەكەسىمەن قۇتتىقتادى, دەپ حابارلادى وسى پالاتانىڭ ءباسپاسوز قىزمەتى.
بۇقارالىق اقپارات قۇرالدارىنىڭ وكىلدەرىنە ارناعان سوزىندە ق.توقاەۆ بۇل مەرەكە, سونداي-اق, وقىرماندار مەن تەلەكورەرمەندەر قاۋىمى ءۇشىن دە ماڭىزدى ەكەنىن اتاپ ءوتتى.
“بۇقارالىق اقپارات قۇرالدارى قوعام ءومىرىنىڭ جاريالىلىعى مەن اشىقتىعىن قامتاماسىز ەتەدى, قوعامنىڭ كوڭىل-كۇيىن ايقىندايدى. حالىق بۇقارالىق اقپارات قۇرالدارىنا شىن سەنەدى, وعان قۇلاق اسادى”, – دەدى توراعا.
ەلىمىزدەگى جۇرگىزىلىپ جاتقان رەفورمالاردىڭ تابىستى جۇزەگە اسۋىنداعى بۇقارالىق اقپارات قۇرالدارىنىڭ ماڭىزدى ءرولىن اتاپ وتە كەلىپ, ق.توقاەۆ بيىك ماقساتتارعا قول جەتكىزۋدەگى, قازاقستان حالقىنىڭ بىرلىگىن نىعايتۋداعى جانە ەلىمىزدىڭ الەمدىك ارەناداعى بەدەلىنىڭ ارتا تۇسۋىندەگى ولاردىڭ ۇلەسىن جوعارى باعالادى.
“اقيقاتىن ايتار بولسام, ءبۇگىنگى قازاقستاندىق جۋرناليستيكانىڭ دەڭگەيى اسا جوعارى, ءبىزدىڭ قارىمدى قالامگەرلەر وزدەرىنىڭ شەتەلدىك ارىپتەستەرىنەن ەشقانداي دا كەم ەمەس”, – دەپ اتاپ ءوتتى توراعا.
پارلامەنتتىك تىلشىلەرگە قاتىستى توراعا مەملەكەتتىك ورگاندار جۇيەسىندەگى بيلىكتىڭ زاڭ شىعارۋ تارماعىنىڭ ءرولى تۋرالى ناقتى جانە تولىق اقپاراتتىڭ بەرىلۋى – ازاماتتاردىڭ قۇقىقتىق مادەنيەتىنىڭ ارتا تۇسۋىنە, تۇتاس العاندا – پارلامەنتاريزم ينستيتۋتىنىڭ دامۋىنا ىقپال ەتەتىنىن اتاپ كورسەتتى.
كەزدەسۋ سوڭىندا جۋرناليستەرگە سەنات توراعاسىنىڭ العىسى بەرىلىپ, “ون دەلاەت يستوريۋ” كىتابى مەن باعالى سىيلىق تارتۋ ەتىلدى.