پاكىستاننىڭ استاناسى يسلامابادتا ورنالاسقان حاديدجا-تۋل-كۋبرا مەشىتىنىڭ ماڭىندا جۇما نامازى كەزىندە جارىلىس بولدى. سالدارىنان كەمىندە 31 ادام قازا تاپتى, دەپ حابارلايدى Egemen.kz
DW مالىمەتىنشە, تاعى شامامەن 170 ادام ءتۇرلى دەڭگەيدە جاراقات العان.
جارىلىستى جاساعان لاڭكەس ۇستىنە جارىلعىش قۇرىلعىنى تاعىپ, مەشىتكە كىرگەن. الايدا ول جارىلعىش قۇرىلعىنى ىسكە قوسپاستان بۇرىن مەشىتتىڭ كىرەبەرىسىندە توقتاتىلعان.
كۋاگەرلەردىڭ ايتۋىنشا, قاسكوي الدىمەن قاۋىپسىزدىك كۇشتەرىنە وق جاۋدىرىپ, كەيىن مەشىتتىڭ ىشىندە ۇستىندەگى جارىلعىش بەلبەۋدى جارىپ جىبەرگەن.
وقيعا ورنىنا جەدەل جاردەم كولىكتەرى باردى. توتەنشە جاعداي قىزمەتتەرىنىڭ حابارلاۋىنشا, جارالانعانداردىڭ كوپشىلىگىنىڭ جاعدايى اۋىر.
يسلاماباد كوميسسارىنىڭ ورىنباسارى يرفان مەمون جارالانعاندار سانى ءالى دە ناقتىلانىپ جاتقانىن مالىمدەدى. زارداپ شەككەندەر قالانىڭ بىرنەشە اۋرۋحاناسىنا جەتكىزىلگەن. ەل مينيسترلەرى زارداپ شەككەندەرگە جانە قازا تاپقانداردىڭ وتباسىنا كومەك كورسەتىلەتىنىن ايتتى.
ال پاكىستاننىڭ سىرتقى ىستەر ءمينيسترى يسحاك دار بۇل شابۋىلدى «جاۋىزدىقپەن جاسالعان قىلمىس» دەپ اتادى.
سوڭعى جىلدارى پاكىستاننىڭ شەكارالاس ايماقتارىندا ەكسترەميستەر تاراپىنان جاسالاتىن زورلىق-زومبىلىق ارەكەتتەرىنىڭ سانى ارتقان.