بىرىككەن اراب امىرلىكتەرىنىڭ دەنساۋلىق ساقتاۋ مينيسترلىگى نەكەلەسۋ الدىندا جۇپتار گەنەتيكالىق تەستىلەۋدەن ءوتۋ كەرەك ەكەنىن مالىمدەدى, دەپ حابارلايدى Egemen.kz The Jerusalem Post باسىلىمىنا سىلتەمە جاساپ.
ايتا كەتەيىك, بۇل زاڭ 1 قاڭتاردان باستاپ كۇشىنە ەنگەن. بۇعان دەيىن جۇپتار نەكەلەرىن قيدىرار الدىندا مەديتسينالىق تەكسەرىستەن ءوتۋى ءتيىس بولعان. ال گەنەتيكالىق تەستىلەۋدەن ءوتۋ اركىمنىڭ ءوز ەركىندە بولاتىن.
2022 جىلى ءابۋ-دابيدە 800-دەن استام جۇپ قاتىسقان ەميرات گەنوم باعدارلاماسىنىڭ پيلوتتىق كەزەڭى باستالعان. وسى زەرتتەۋگە سايكەس, گەنەتيكالىق ۇيلەسىمدىلىككە 86% جاعدايدا قول جەتكىزىلگەن. ال گەنەتيكالىق ناتيجەلەرگە نەگىزدەلگەن 14% جاعدايدا قوسىمشا مەديتسينالىق كومەك قاجەت بولعان.
ءباا-دە تالاپ ەتىلەتىن گەنەتيكالىق تەست 840-تان استام اۋرۋمەن بايلانىستى 570 گەندى قامتيدى, بۇل ەرلى-زايىپتىلارعا وتباسىن جوسپارلاۋ كەزىندە دەنساۋلىقتارى تۋرالى نەگىزدەلگەن شەشىم قابىلداۋعا مۇمكىندىك بەرەدى.