اقمولا وبلىسىنداعى تاسجولدا 40-قا جۋىق كولىك سوقتىعىستى, دەپ حابارلايدى Egemen.kz.
اقپاراتتى وبلىستىق پوليتسيا دەپارتامەنتىنىڭ ءباسپاسوز قىزمەتى راستادى.
«ساعات 13:30-دا اقمولا وبلىسىندا ءبىرجان سال اۋدانىنىڭ قوعام مەن قاراتال اۋىلى اراسىندا اۋا رايىنىڭ ناشارلاۋىنا بايلانىستى (بوران, كورۋ مۇمكىندىگىنىڭ شەكتەلۋى) 40-قا جۋىق كولىك سوقتىعىستى. قازا تاپقاندار مەن زارداپ شەككەندەر تۋرالى ازىرشە اقپارات جوق», دەپ حابارلادى ۆەدومستۆو.
وقيعا ورنىندا پوليتسيا جۇمىس ىستەپ جاتىر.
«جۇرگىزۋشىلەردى اۋا رايى جاعدايىن ەسكەرىپ, جولدا وتە ساق بولۋعا جانە جاعداي جاقسارمايىنشا بۇل باعىتتا جۇرمەۋگە شاقىرامىز», دەپ حابارلادى دەپارتامەنت.
استانا-ششۋچينسك تاسجولى اۋا رايىنا بايلانىستى ساعات 12:00-دەن باستاپ جابىلدى.