الەۋمەتتىك قىزمەتكەرلەردى دايارلاۋ ماسەلەسى تالقىلاندى

ءىس-شارا «ادىلەتتى قازاقستان: قۇقىق ءتارتىبى, ەكونوميكالىق ءوسۋ, قوعامدىق وپتيميزم: جوو-لاردىڭ الەۋمەتتىك قورعاۋ جۇيەسىنىڭ كادرلىق الەۋەتىن ارتتىرۋعا قوسقان ۇلەسى» تاقىرىبىنا ارنالدى. كەزدەسۋدىڭ ماقساتى – «ادىلەتتى قازاقستاندى» قۇرۋ جاعدايىندا الەۋمەتتىك قورعاۋ جۇيەسىنىڭ كادرلىق الەۋەتىن ارتتىرۋعا ۋنيۆەرسيتەتتەردىڭ ۇلەسىن كۇشەيتۋ جونىندەگى ستراتەگيالىق باعىتتار مەن پراكتيكالىق شارالاردى تالقىلاۋ.

قاتىسۋشىلار الەۋمەتتىك جۇمىس بويىنشا يننوۆاتسيالىق كادرلاردى دايارلاۋ پروبلەمالارىن, ۋنيۆەرسيتەتتەردىڭ قاتىسۋىمەن الەۋمەتتىك قورعاۋ قىزمەتكەرلەرىنە ۇزدىكسىز ءبىلىم بەرۋدىڭ وزەكتى ماسەلەلەرىن, سونداي-اق جۇمىس بەرۋشىلەردىڭ الەۋمەتتىك جۇمىس سالاسىنداعى بولاشاق مامانداردىڭ قۇزىرەتتەرىن قالىپتاستىرۋعا قوسقان ۇلەسىن تالقىلادى.

«ل.ن. گۋميلەۆ اتىنداعى ەۇۋ الەۋمەتتىك جۇمىس جونىندەگى ءبىلىم بەرۋ باعدارلامالارىن بەلسەندى دامىتۋدا. ءبىز تۇلەكتەرىمىزدىڭ تەرەڭ كاسىبي بىلىمگە يە بولۋىنا عانا ەمەس, سونىمەن قاتار ولاردىڭ كاسىبي قىزمەت سالاسىندا تۋىندايتىن پراكتيكالىق ماسەلەلەردى شەشۋگە دايىن بولۋىن قامتاماسىز ەتۋگە تىرىسامىز.ءبىلىم بەرۋ ۇدەرىسى اياسىندا ءبىز الەۋمەتتىك جۇمىس بويىنشا الەمدىك تاجىريبەنى زەردەلەۋگە جانە يننوۆاتسيالىق تاسىلدەردى ەنگىزۋگە كوپ كوڭىل بولەمىز»,  دەدى ۋنيۆەرسيتەت رەكتورى ەرلان سىدىقوۆ.

رەكتوردىڭ ايتۋىنشا, ەۇۋ الەۋمەتتىك جۇمىس تەورياسى مەن تاجىريبەسىنىڭ ۇزدىك ستاندارتتارىن ەنگىزۋگە باعىتتالعان فرانكفۋرت جانە شانحاي ۋنيۆەرسيتەتتەرىمەن «SOLID» حالىقارالىق عىلىمي جوباسىن جۇزەگە اسىرىپ وتىر.

ۋنيۆەرسيتەت عالىمدارى تسيفرلىق شەشىمدەر ارقىلى حالىقتىڭ وسال توپتارىنىڭ ماسەلەلەرىن شەشۋگە ارنالعان «تسيفرلىق ترانسفورماتسيا جاعدايىنداعى قازاقستاندىق قوعام: پەرسپەكتيۆالار مەن تاۋەكەلدەر» اتتى اۋقىمدى جوباعا قاتىسىپ وتىر.

سونىمەن قاتار ەۇۋ مەن ەڭبەك جانە حالىقتى الەۋمەتتىك قورعاۋ مينيسترلىگى بىرلەسىپ الەۋمەتتىك ساياساتتى قولداۋعا جانە ونىڭ تيىمدىلىگىن ارتتىرۋعا باعىتتالعان كاسىبي ستاندارتتار مەن ءبىلىم بەرۋ باستامالارىن ازىرلەۋ ۇستىندە.

عىلىم جانە جوعارى ءبىلىم ءمينيسترى ساياسات نۇربەك الەمدە «ينكليۋزيا» ۇعىمى قايتا قاراستىرىلىپ جاتقانىن اتاپ ءوتتى.

 «بۇل تەك كەدەرگىسىز ورتانى قۇرۋ عانا ەمەس, فيزيكالىق مۇمكىندىكتەرى جوق كەز كەلگەن ادامدى نەمەسە باسقا شەكتەۋلەرى بار ادامداردى قوسۋ. دۇنيەجۇزىلىك بانكتىڭ جوباسى اياسىندا ءبىز پەداگوگيكالىق ۋنيۆەرسيتەتتەردىڭ بارلىق وقۋ باعدارلامالارىن فين سەرىكتەستەرىنىڭ كومەگىمەن قايتا قارادىق. مۇندا 30 جاڭا وقۋ باعدارلاماسى ازىرلەندى,  ينكليۋزيا نەگىزگى پرينتسيپ. مۇعالىمدەردىڭ جالپى ماسساسىن بولەك دايىنداۋدىڭ ورنىنا, ءبىز ءار مۇعالىم ينكليۋزيانىڭ نە ەكەنىن ءتۇسىنىپ, سەرتيفيكاتتالۋى ءۇشىن ءبارىن بىردەي دايىنداۋدى شەشتىك. وسى جوبا اياسىندا 25 ۋنيۆەرسيتەت ارنايى كابينەتتەرمەن جانە زەرتتەۋ كەشەندەرىمەن جابدىقتالدى»,  دەدى مينيستر.

ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اسقاربەك ەرتاەۆ الەۋمەتتىك جۇمىس جۇيەسىن دامىتۋدىڭ نەگىزگى ۆەكتورلارىنا توقتالدى.

«بۇگىندە قازاقستاندا 35 مىڭنان استام الەۋمەتتىك قىزمەتكەر جۇمىس ىستەيدى. الەۋمەتتىك قىزمەتكەرلەردىڭ تەك 12% عانا مامانداندىرىلعان بىلىمگە يە, بۇل ولاردىڭ بەلسەندى دايارلىعى مەن جاڭا مامانداردىڭ قاجەتتىلىگىن كورسەتەدى. كادرلاردىڭ ساپاسىن ارتتىرۋ ءۇشىن بيىل حالىقارالىق ستاندارتتاردى ەسكەرە وتىرىپ, كاسىبي ستاندارتتار ازىرلەندى. بيىل 8,5 مىڭنان استام الەۋمەتتىك قىزمەتكەر مامانداندىرىلعان وقۋدان ءوتتى. كەلەسى جىلدان باستاپ الەۋمەتتىك سالا ماماندارى ەلىمىزدىڭ 14 جوعارى وقۋ ورنىندا قايتا دايارلاۋدان جانە بىلىكتىلىگىن ارتتىرۋدان وتە الادى. ءبىز ەۋرازيا ۇلتتىق ۋنيۆەرسيتەتىمەن دە مەموراندۋمعا وتىردىق»,  دەدى ۆيتسە-مينيستر.

كەزدەسۋ بارىسىندا ەۇۋ-دىڭ الەۋمەتتىك-مادەني دامۋ جونىندەگى پرورەكتورى ءلازات تولەگەنقىزى دا ۋنيۆەرسيتەتتىڭ الەۋمەتتىك قىزمەتكەرلەردى دايارلاۋداعى يننوۆاتسيالىق الەۋەتىنە توقتالدى.

استانالىق بالالار مەن وتباسىن قولداۋ ورتالىعىنىڭ باسشىسى ماريا شۋبينا ءبىلىم بەرۋ باعدارلامالارى تۇلەكتەرىنىڭ الەۋمەتتىك جۇمىستاعى قۇزىرەتتىلىگىنە جۇمىس بەرۋشىنىڭ كۇتۋى مەن قوساتىن ۇلەسى تۋرالى اقپاراتپەن ءبولىستى.

ەۇۋ تسيفرلىق دامۋ سەكتورىنىڭ مەنەدجەرى التىنبەك زۇلحاجاۆ كورۋ قابىلەتى ناشار ادامدارعا ارنالعان «ينكليۋزيۆتى گيد» ناۆيگاتسيالىق جۇيەسىن تانىستىردى.