«قازاقستان حالقىنا» قورى – ۇكىمەتتىڭ نەمەسە وزگە دە مەملەكەتتىك ورگاننىڭ ەنشىسىندە ەمەس, پرەزيدەنت ايتقانداي, حالىقتىق قور. سيرەك كەزدەسەتىن اۋرۋعا شالدىققان بالالاردىڭ ەم-دومىنا كومەك كورسەتۋگە, قالالاردا, اۋدانداردا, كەنتتەردە, اۋىلداردا بالالارعا ارنالعان سپورت نىساندارىن سالۋعا, قابىلەتتى بالالاردىڭ تالابىن ۇشتاپ, شىڭداۋعا, وزگە دە سالاعا قولعابىس ەتىپ كەلەدى.
ءۇش جىل ىشىندە «قازاقستان حالقىنا» قورى جالپى سوماسى 230 ملرد تەڭگەگە 103 قايىرىمدىلىق باعدارلاماسى مەن جوباسىن ىسكە اسىرۋ تۋرالى شەشىم قابىلداپ, ونىڭ ىشىندە 58 جوبا اياقتالدى. قور جوبالارى دەنساۋلىق ساقتاۋ, ءبىلىم بەرۋ, الەۋمەتتىك قولداۋ, مادەنيەت, سپورت, توتەنشە جاعدايلار كەزىندە كومەك كورسەتۋ سالاسىنداعى باعدارلامالاردى قوسا العاندا, حالىقتىڭ ءومىر ءسۇرۋ ساپاسىن جاقسارتۋعا باعىتتالىپ وتىر.
قور قارجىسىن باسقارۋدىڭ نەگىزگى قاعيداتتارى – اشىقتىق, ەسەپ بەرۋ, لەگيتيمدىلىك ءھام تۇراقتىلىق. بىلتىرعى قورىتىندى كورسەتكىشتەرگە «ۇلكەن تورتتىكتەن» (Ernst&Young) اۋديتوردى تارتا وتىرىپ, سىرتقى اۋديت جۇرگىزىلگەن.
دەنساۋلىق ساقتاۋ سالاسىندا 29 باعدارلاما مەن جوبا بار. بۇل سالادا كومەكتىڭ نەگىزگى ءۇش باعىتىنا – يننوۆاتسيالىق نىسانالى دارىلىك زاتتاردى ساتىپ الۋعا, ۇزدىك الەمدىك وندىرۋشىلەردەن زاماناۋي جابدىقتارمەن جابدىقتاۋعا, جاڭا تەحنولوگيالاردى ترانسفەرتتەۋ ماقساتىندا دارىگەرلەر مەن مامانداردى وقىتۋعا باسىمدىق بەرىلەدى.
جۇمىستىڭ ماڭىزدى باعىتى دەپ اۋىر, ورفاندىق اۋرۋلارى بار پاتسيەنتتەرگە دارىلىك پرەپاراتتاردى ساتىپ الۋدى ايتۋعا بولادى. 461 وتانداسىمىز, ونىڭ ىشىندە 342 بالاعا 57,7 ملرد تەڭگە سوماسىنا 38 ءدارى ساتىپ الىندى. بىلتىرعى قاراشا ايىنان باستاپ قور ونكولوگيالىق, ونكوگەماتولوگيالىق اۋرۋلارى بار 1230 ازاماتتى 14,5 ملرد تەڭگەدەن استام سوماعا يننوۆاتسيالىق نىسانالى پرەپاراتپەن قامتاماسىز ەتتى. ونكولوگيالىق قىزمەتتى دامىتۋ ءۇشىن 2023-2024 جىلدارى 5 وڭىرگە ارنالعان جەلىلىك ەلەكتروندى ۇدەتكىشتەر, كومپيۋتەرلىك توموگرافتار, ناۆيگاتسيالىق جۇيەلەر ساتىپ الىندى. بالالار نەيروحيرۋرگيالىق قىزمەتىن دامىتۋ شەڭبەرىندە 19 وڭىردە 22 مەديتسينالىق ۇيىم ارنايى جابدىقپەن قامتاماسىز ەتىلدى الماتى, قىزىلوردا, اقتوبە وبلىستارىندا شالعاي اۋىلداردا ونكولوگيالىق سكرينينگ جۇرگىزۋگە ارنالعان جىلجىمالى مەديتسينالىق كەشەندەر جۇمىس ىستەيدى. اۋرۋلاردى ەرتە انىقتاۋ, بالالاردىڭ مۇگەدەكتىگىنىڭ الدىن الۋعا ەرتە ارالاسۋدىڭ 10 ورتالىعى اشىلدى, تاعى ءۇش ورتالىق اشۋ جونىندەگى جۇمىس جۇرگىزىلىپ جاتىر. دونورلىق ءمولدىر قابىقتى اۋىستىرىپ ورنالاستىرۋدى قاجەت ەتەتىن 209 پاتسيەنتكە قايىرىمدىلىق كومەك كورسەتىلدى. وپەراتسيالار «س.اسفەندياروۆ اتىنداعى قازۇمۋ» كەاق ۋنيۆەرسيتەت كلينيكاسىندا جۇرگىزىلەدى. سونداي-اق دارىگەرلەر مەن مامانداردى وقىتۋ شەڭبەرىندە جاڭا تەحنولوگيالاردى ەلىمىزگە ترانسفەرتتەۋ ماقساتىندا ترانسپلانتاتسيالىق ۇيلەستىرۋشىلەردى, مەديتسينالىق گەنەتيكتەردى, ۋلترادىبىستىق دياگنوستيكا ماماندارىن وقىتۋعا دا قوماقتى قاراجات ءبولىندى.
الەۋمەتتىك قولداۋ سالاسىندا وڭالتۋ ورتالىقتارىن جابدىقتاۋعا ءاۋتيزمى, باسقا دا مەنتالدى بۇزىلۋلارى بار بالالارعا ارنالعان ورتالىقتاردى جابدىقتاۋعا; بالالار مەن جاستاردى يننوۆاتسيالىق پروتەزدىك-ورتوپەديالىق بۇيىمدارمەن, ەكزوقاڭقالارمەن قامتاماسىز ەتۋگە; مۇمكىندىگى شەكتەۋلى بالالار مەن جاسوسپىرىمدەردىڭ ءومىر ءسۇرۋ ساپاسىن جاقسارتۋعا باعىتتالعان 30 باعدارلاما ءھام جوبا جۇزەگە استى. ءاۋتيزمى, باسقا دا مەنتالدى بۇزىلۋى بار بالالارعا ارنالعان بارلىعى 7 ورتالىق, 3 وبلىستىق وڭالتۋ ورتالىعى, 3 اۋداندىق وڭالتۋ ورتالىعى اشىلدى. تاعى 20 ورتالىقتى اشۋ جۇمىسى جۇرگىزىلىپ جاتىر. مۇنىڭ سىرتىندا 150 ادام يننوۆاتسيالىق پروتەزدەرمەن قامتاماسىز ەتىلگەن. ەلىمىزدىڭ 8 وڭىرىندە مۇمكىندىگى شەكتەۋلى بالالار مەن جاسوسپىرىمدەرگە ارنالعان «تۇساۋ كەسەر» دەنە شىنىقتىرۋ-ساۋىقتىرۋ ۇيىرمەلەرى جۇمىس ىستەيدى.
ءبىلىم سالاسىندا 19 باعىتتا باعدارلاما مەن جوبا تۇزىلگەن. اۋىلدىق جەرلەردە تىرەك مەكتەپتەردىڭ الەۋەتىن دامىتۋ جوباسى اۋماقتىق, الەۋمەتتىك-ەكونوميكالىق بەلگىلەر بويىنشا ءبىلىم ساپاسىنىڭ الشاقتىعىن قىسقارتۋعا, ماتەريالدىق-تەحنيكالىق بازانى جاقسارتۋعا, اۋىلدىق جەرلەردە وقۋشىلار ءۇشىن ساپالى ءبىلىمنىڭ قولجەتىمدىلىگىن قامتاماسىز ەتۋگە باعىتتالىپ, ناتيجەسىندە 135 اۋىلدىق مەكتەپ قامتىلدى. ء«بىلىم-يننوۆاتسيا» ليتسەيلەرىنىڭ تاجىريبەسىن ەنگىزۋ جوباسى شەڭبەرىندە الماتى وبلىسىنىڭ 50 مەكتەبىندە 150 فيزيكا, حيميا, بيولوگيا كابينەتتەرى جابدىقتالدى. قاراعاندى وبلىسىندا 86 مەكتەپتە ء«بىلىم-يننوۆاتسيا» ليتسەيلەرىنىڭ تاجىريبەسىن ەنگىزۋ جوباسى بويىنشا فيزيكا, حيميا, بيولوگيا باعىتىندا 253 كابينەت جابدىقتالعان. جوبانىڭ ماقساتى – پەداگوگتەردىڭ بىلىكتىلىگىن ارتتىرۋ, مەنتورلىق سۇيەمەلدەۋ, ءبىلىم بەرۋ ينفراقۇرىلىمىن قۇرۋ ارقىلى وقۋشىلاردىڭ ءبىلىم دەڭگەيىن ارتتىرۋ. 99 ارناۋلى ءبىلىم بەرۋ مەكتەپ ۇيىمىنا ءبىلىم الۋعا تەڭ قولجەتىمدىلىكتى, ولاردىڭ ەرەكشەلىكتەرىنە, پسيحيكالىق, فيزيكالىق مۇمكىندىكتەرىنە قاراماستان, بارلىق بالالاردىڭ دامۋىندا جەتىستىككە جەتۋىنە قاجەتتى ماتەريالدىق-تەحنيكالىق بازانى نىعايتۋ جونىندە جۇيەلى كومەك كورسەتىلدى. اقتوبە وبلىسىنىڭ شاعىن جيناقتالعان اۋىلدىق مەكتەپتەرىنىڭ الەۋەتىن دامىتۋ جوباسى شەڭبەرىندە تسيفرلىق تەحنولوگيا ارقىلى 134 مەكتەپتىڭ ماتەريالدىق-تەحنيكالىق بازاسى جاڭارتىلىپ, وقىتۋدىڭ 4 مودەلى ەنگىزىلدى. №1 حرومتاۋ ورتا مەكتەبى اۋىلدىق تىرەك مەكتەپتەرىن دامىتۋ باعدارلاماسى شەڭبەرىندە جاڭعىرتىلدى, سونداي-اق اقتوبەدەگى وبلىستىق پەريناتالدىق ورتالىق وفتالمولوگيالىق سكرينينگ, شالا تۋىلعان نارەستەلەردىڭ رەتينوپاتياسىن ەمدەۋگە ارنالعان جابدىقپەن جابدىقتالدى.
«قازاقستان حالقىنا» قق ءبىلىم بەرۋ گرانتتارىن 2022-2024 وقۋ جىلىندا 3003 ستۋدەنت پەن تالاپكەر الدى. بۇدان بولەك, قور شاعىن قالالار, اۋىلدارداعى 360 مەكتەپتە روبوتتەحنيكا كابينەتتەرىن جابدىقتاۋ جونىندەگى قايىرىمدىلىق باعدارلاماسىن ىسكە اسىردى.
سپورت, مادەنيەت سالاسىندا جۇزەگە اسقان باعدارلامالار مەن جوبالار سانى – 12. باتىس قازاقستان وبلىسىندا «Jaña club» كوميۋنيتي-ورتالىقتارىندا 25 كىتاپحانا جاڭعىرتۋ جۇرگىزىلەدى. العاشقى ەكى كوميۋنيتي-ورتالىق 16 جەلتوقساندا اشىلدى.
شالعاي ەلدى مەكەندەردە سپورتپەن اينالىسۋعا ارنالعان زالداردىڭ جەتىسپەۋشىلىگى مەن قولجەتىمسىزدىگىن ەسكەرە وتىرىپ, قوردىڭ قولداۋىمەن اۋىلدى جەرلەردە 89 سپورت زالى اشىلدى, جىل سوڭىنا دەيىن تاعى 11 زال اشىلادى.
اۋىلدىق جەرلەردە, شاعىن قالالاردا 40 انگار ءتيپتى سپورت زالدارىن سالۋ جوسپارلانىپ وتىر. 4 نىسان پايدالانۋعا بەرىلدى.
توتەنشە جاعدايلار كەزىندە كومەك كورسەتۋ بويىنشا 13 جوبا ىسكە اسىرىلدى. قور سۋ تاسقىنى سالدارىنان زارداپ شەككەن وتباسىلار ءۇشىن 5 وڭىردە 627 ءۇي قۇرىلىسىنا قارجى ءبولىندى.