قر پرەزيدەنتىنىڭ اكىمشىلىگىمەن جانە اۋداندىق ءماسليحات دەپۋتاتتارىمەن كەلىسە وتىرىپ, شىعىس قازاقستان وبلىسى اكىمىنىڭ وكىمىمەن مەيىرجان البەكوۆ كۇرشىم اۋدانىنىڭ اكىمى بولىپ تاعايىندالدى, دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
مەيىرجان البەكوۆ 2011 جىلى سەمەي مەملەكەتتىك پەداگوگيكالىق ۋنيۆەرسيتەتىن, 2015 جىلى ت.ق.جۇرگەنەۆ اتىنداعى قازاق ۇلتتىق ونەر اكادەمياسىن, 2021 جىلى الماتى ەكونوميكا جانە ستاتيستيكا اكادەمياسىن بىتىرگەن.
ەڭبەك جولىن 2010 جىلى باستاعان. ءار جىلدارى «دارىن» مكقك ديرەكتورى, مادەنيەت, تىلدەردى دامىتۋ, دەنە شىنىقتىرۋ جانە سپورت ءبولىمىنىڭ باسشىسى, اۋدان اكىمىنىڭ ورىنباسارى, سونىمەن قاتار ۇلان اۋدانى تاۆريا اۋىلدىق وكرۋگىنىڭ اكىمى بولىپ جۇمىس ىستەگەن.
2023 جىلدىڭ جەلتوقسانىنان باستاپ كۇرشىم اۋدانى اكىمىنىڭ ورىنباسارى قىزمەتىن اتقارعان.
ايماق باسشىسى جاڭا اكىمنىڭ الدىندا كۇرشىم اۋدانىنىڭ ينفراقۇرىلىمىن, الەۋمەتتىك-ەكونوميكالىق جانە تۋريستىك الەۋەتىن دامىتۋ بويىنشا اۋقىمدى مىندەتتەر تۇرعانىن اتاپ ءوتتى.