اقش-تىڭ 39-شى پرەزيدەنتى, بەيبىتشىلىك سالاسىنداعى نوبەل سىيلىعىنىڭ لاۋرەاتى دجيممي كارتەر 100 جاسىندا قايتىس بولدى, دەپ حابارلايدى Egemen.kz BBC News ارناسىنا سىلتەمە جاساپ.
دجيممي كارتەر – اقش اسكەري-تەڭىز كۇشتەرىنىڭ وفيتسەرى, دجوردجيا شتاتىنىڭ سەناتورى جانە شتات گۋبەرناتورى بولعان. 1976 جىلى دەموكراتيالىق پارتيا اقش پرەزيدەنتى سايلاۋىنا ونىڭ كانديداتۋراسىن ۇسىنعان. ول سايلاۋدا رەسپۋبليكاشىل دجەرالد فوردتان وزدى. دجيممي كارتەر 1977-1981 جىلدار ارالىعىندا مەملەكەتتى باسقاردى.
BBC مالىمەتىنشە, ونىڭ اتى-ءجونى – دجەيمس ەرل كارتەر. ول تاريحقا ءوزىن «كوشەدەگىدەي» دجيممي دەپ اتاۋدى وتىنگەن مەملەكەتتىك تۇلعا رەتىندە ەنگەن.
«مەن جاي عانا فەرمەرمىن. مەن وسىعان ۇيرەنگەنمىن», دەگەن ەدى كارتەر.