بيىل جاز مەزگىلىندە شەگىرتكەلەر 2,5 ميلليون گەكتار اۋماققا تارالدى. اۋىلشارۋاشىلىق مينيسترلىگى ءىس جۇزىندە 3,1 ميلليون گەكتار اۋماقتا حيميالىق وڭدەۋ جۇرگىزگەنىن مالىمدەدى, دەپ جازادى Egemen.kz.
القاپتارداعى شەگىرتكەنى جويۋعا رەسپۋبليكالىق بيۋدجەتتەن 4,2 ملرد.تەڭگە, ال ۇكىمەت رەزەرۆىنەن 3,9 ملرد. تەڭگە بولىنگەن.
جاۋاپتى مينيسترلىك مالىمەتىنشە, ۋاقىتىلى اتقارىلعان جۇمىستار ناتيجەسىندە داقىلداردىڭ زاقىمدالۋىنا, كورشى مەملەكەتتەردىڭ اۋماعىندا شەگىرتكەلەردىڭ كوشى-قونىنا جول بەرىلمەگەن.
وسى باعىتتاعى قورعانىس شارالارىنا 2500-دەن استام ادام قاتىسىپ, 427 بۇرىككىش تەحنيكا جۇمىلدىرىلعان.
پەستيتسيدتەر مەن حيميالىق وڭدەۋ قىزمەتتەرىن مەملەكەتتىك ساتىپ الۋ كەزىندە ۇكىمەت رەزەرۆىنەن قاراجات ەسەبىنەن 694,78 ملن. تەڭگە كولەمىندە ۇنەمدەلگەن.
ۇنەمدەلگەن قارجىعا 7 زەرتتەۋ درونى, 46 حيميالىق وڭدەۋ درونى جانە 38 اۆتوموبيل ساتىپ الىنعان.
بۇل تەحنيكالار شەگىرتكەلەردىڭ دامۋى مەن تارالۋىن باقىلاپ, ءداستۇرلى بۇركۋ ادىستەرىن اتقارۋ مۇمكىن ەمەس جەرلەردە حيميالىق وڭدەۋ ءۇشىن قولدانىلماق.