ازەربايجان رەسپۋبليكاسىنىڭ دەنساۋلىق ساقتاۋ مينيسترلىگى مەن تجم ارنايى كەڭەسى, ساناۆياتسيا بريگاداسىنىڭ باقىلاۋىمەن ۇشاق اپاتىنان زارداپ شەككەن 14 (13 ەرەسەك, 1 بالا) ازەربايجان ازاماتى ءوز ەلىنە ەۆاكۋاتسيالاندى.
قازىرگى تاڭدا ماڭعىستاۋ وبلىستىق اۋرۋحاناسىندا 6 ناۋقاس قالدى. ونىڭ ۇشەۋى - ازەربايجان ازاماتى, قالعان ۇشەۋى قىرعىزستان ازاماتى. ءتورت ناۋقاس جانساقتاۋ بولىمىندە, ال ەكەۋى تراۆماتولوگيا بولىمشەسىندە.
ەسكە سالايىق, بۇگىن 08:30-دا رەسەي فەدەراتسياسىنىڭ تجم ورتالىق اپپاراتىنىڭ سانيتارلىق اۆياتسيا بورتىندا رەسەي فەدەراتسياسىنىڭ 9 ازاماتى ەۆاكۋاتسيالانعان بولاتىن.
ماڭعىستاۋ وبلىستىق كوپبەيىندى اۋرۋحاناسىنا كەلىپ تۇسكەن بارلىق پاتسيەنت قر دسم دياگنوستيكا جانە ەمدەۋ حاتتاماسىنا سايكەس تولىق تەكسەرىلىپ, ەم الىپ جاتىر.