توتەنشە جاعدايلار مينيسترلىگى اقتاۋداعى ۇشاق اپاتىنىڭ سالدارىن جويۋ باعىتىندا اتقارالىپ جاتقان جۇمىستار تۋرالى جەدەل اقپارات جاريالادى, دەپ جازادى Egemen.kz.
قازىر وقيعا ورنىندا ۇشاقتىڭ كونسترۋكتسيالارىن بولشەكتەۋ جۇمىستارى جالعاسىپ جاتىر. وقيعا سالدارىن جويۋ ءۇشىن 306 ادام, 101 بىرلىك تەحنيكا, 2 اۋە كەمەسى جانە 6 كينولوگيالىق ەسەپتوپ جۇمىلدىرىلعان. وسى باعىتتاعى جۇمىستارعا توتەنشە جاعدايلار, ىشكى ىستەر, قورعانىس مينيسترلىكتەرىنىڭ, ۇلتتىق ۇلاننىڭ, مەملەكەتتىك ەمەس ورتكە قارسى قىزمەتتىڭ, اپاتتار مەديتسيناسى ورتالىعىنىڭ, جەدەل مەديتسينالىق كومەك بريگاداسىنىڭ جانە جەرگىلىكتى اتقارۋشى ورگانداردىڭ, سونداي-اق ازەربايجان تجم قىزمەتكەرلەرى تارتىلعان.
قر تجم اپاتتار مەديتسيناسى ورتالىعىنىڭ بريگادالارى ۇشاق اپاتقا ۇشىراعان جەردە اۆاريالىق-قۇتقارۋ جۇمىستارىن مەديتسينالىق ەم-دوم جۇرگىزىپ جاتىر. اپاتتار مەديتسيناسى ورتالىعىنىڭ پسيحولوگتارى اقتاۋ قالاسىنا كەلگەن تۋىستارىنا پسيحولوگيالىق كومەك كورسەتىپ ءجۇر.
كەشە اۆاريالىق-قۇتقارۋ جۇمىستارىن جۇرگىزۋ ناتيجەسىندە اقتاۋ قالاسىنىڭ مەديتسينالىق مەكەمەلەرىنە 29 ادام, ونىڭ ىشىندە 3 كامەلەتكە تولماعان بالا قۇتقارىلىپ, اۋرۋحاناعا جاتقىزىلدى. وقيعا ورنىنان 38 ءمايىت تابىلدى, ولار مەديتسينالىق ساراپتاما ورتالىعىنا جەتكىزىلدى, مارقۇمداردىڭ اراسىندا قازاقستاننىڭ التى ازاماتى مەن ءۇش ەكيپاج مۇشەسى بار. تاعى جەتى ادامنىڭ دەنەسى انىقتالدى. سونىمەن قاتار كەشە ىزدەۋ توبىنىڭ ناتيجەسىندە تجم قۇتقارۋشىلارى قارا جاشىكتى تاپتى. وقيعا ورنىندا تاۋلىك بويى كەزەكشىلىك ۇيىمداستىرىلعان.
قازىرگى ۋاقىتتا اقتاۋ قالاسىندا اپاتتىڭ سەبەپتەرىن تەرگەۋ جونىندەگى ۇكىمەتتىك كوميسسيا جۇمىس ىستەپ جاتىر.
كەشە ىسكە قوسىلعان جەدەل جەلى تەلەفوندارىنا شۇعىل پسيحولوگيالىق كومەك جانە اقپاراتتىق سيپاتتاعى 1063 ءوتىنىش تۇسكەن.