استانادان اقتاۋعا ۇشاق اپاتىنان زارداپ شەككەندەرگە مەديتسينالىق كومەك كورسەتۋ ءۇشىن سانيتاريالىق اۆياتسيا ۇشاعى كەلىپ قوندى.
بورت قۇرامىندا قر دەنساۋلىق ساقتاۋ مينيسترلىگىنىڭ ۇلتتىق شۇعىل مەديتسينانى ۇيلەستىرۋ ورتالىعىنىڭ موبيلدىك بريگاداسى, ەكى رەانيماتولوگ, ءتورت تراۆماتولوگ, نەيروحيرۋرگ جانە كومبۋستيولوگ بار.
دەنساۋلىق ساقتاۋ ۆيتسە-ءمينيسترى تيمۋر مۇراتوۆ زاقىم العان جانە جاراقاتتانعان پاتسيەنتتەردى قاراپ-تەكسەرەدى, كەلگەن مامانداردى تارتا وتىرىپ, مەديتسينالىق كومەكتى ۇيىمداستىرۋ ماسەلەلەرىمەن اينالىسادى.
اقتاۋ اۋەجايى ماڭىنداعى جولاۋشىلار ۇشاعى اپاتقا ۇشىراعان جەردەن وبلىستىڭ مەديتسينالىق مەكەمەلەرىنە 29 زارداپ شەگۋشى, ونىڭ ىشىندە ماڭعىستاۋ وبلىستىق اۋرۋحاناسىنا 27 ادام جەتكىزىلدى. اۋرۋحاناعا جەتكىزىلگەن جاعدايى اۋىر 27 پاتسيەنتتىڭ 11-ءى رەانيماتسياعا جاتقىزىلدى.
وبلىستىق بالالار اۋرۋحاناسىنا 11 جانە 16 جاستاعى 2 بالا تۇسكەن, ولارعا وتا جاساۋ جوسپارلانعان.